ئەمە بڵاوبكەوە
FaceBook  Twitter  

 

مەكتەبی سیاسی  حزبی شیوعی كوردستان، بەبۆنەی (75) مین ساڵڕۆژی دامەزراندنی  حزبی دیموكراتی كوردستانی -ئێران پەیامێكی پیرۆزباییان ئاراستە دەكات.

دەقی پیرۆزباییەكە:

بەڕێز/ لێپرسراوی گشتی و رێبەرایەتی

حزبی دیموكراتی كوردستانی -ئێران

سڵاورێز

بەبۆنەی (75) مین ساڵڕۆژی دامەزراندنی حزبە تێكۆشەرەكەتان حزبی دیموكراتی كوردستانی -ئێران ، بەناوی مەكتەبی سیاسی و سەركردایەتی حزبی شیوعی كوردستان، پیرۆزبایی گەرمی ئەو یادەتان لێدەكەین و هیوای سەركەوتن و سەرفرازیتان بۆ دەخوازین.

حزبی دیموكراتی كوردستانی –ئێران هەر لە رۆژی دامەزرادنیەوە تا ئەمڕۆ كە یادی(75) ساڵەی دامەزراندنی دەكەنەوە درێژەی بەخەبات و تێكۆشان داوە لە پێناو هێنانەدی مافی رەوای گەلەكەمان لە رۆژهەڵاتی كوردستاندا رۆڵێكی بەرچاوو كاریگەری لە كاروانی خەبات و بزوتنەوەی رزگاریخوازی هەبووە، لەم رێگایەشەوە قوربانی و شەهیدی زۆری پێشكەشی گەلی كوردستان كردووە.

هیوادارین ئەم یادە ببێتە مایەی زیاتری یەكریزی هێز و لایەن سیاسییەكان لە پێناو بەدەستهێنانی ئاوات و ئامانجە رەواكاندا

 

لەكۆتایی جارێكی تر جەخت لەسەر پتەوكردنی پەیوەندی دێرینەی هەردوولامان دەكەینەوە.

 

دووبارە پیرۆزباییمان قبوڵ بفەرموون.

لەگەڵ رێزماندا

 

 

 

مەكتەبی سیاسی 

حزبی شیوعی كوردستان

2020/8/15

 

 

چالاکی حزبی