ئەمە بڵاوبكەوە
FaceBook  Twitter  

رێگای كوردستان- هەولێر

لەچەند رۆژی داهاتوودا, نووسەرێكی لاوی كورد, ئەحمەد كامەران حەیدەر, یەكەمین كتێبی خۆی لەژێر ناونیشانی (ڕۆژێكم لەگەڵ ئازارەكانی كچێك) بە چاپ دەگەیەنێت ,هاوكاتیش چاپ كردنەكە لەرێگای پڕۆژەیەكی هاوبەشەوە لەلایەن دەزگا و كتێبخانەی (فێربوونەوە) ئەنجام دەدرێت.

سەبارەت بە ناوەڕۆكی كتێبەكە نووسەر هیچ روونكردنەوەیەكی تەواوەتی بۆ ڕێگای كوردستان نەداو, تەنها ئاماژەی بەوەدا كە پێك دێت لە حەوت چیرۆك.

جێگای ئاماژە پێكردنە, كە نووسەر ئەحمەد كامەران حەیدەر, یەكێكە لە نووسەرە لاوەكانی ئەمڕۆی هەرێمی كوردستان و لە دایكبووی ساڵی 1998, خەڵكی شاری خانەقینەو لەپایزی ساڵی 2009 بەشێوەیەكی خێزانی لەهەولێر نیشتەجێ بوونە,نووسەر لەخێزانێكی خوێندەوارو ڕۆشنبیر پەروەردەكراوەو, هاوكاتیش خوشكەزای گەورە هونەرمەندو نووسەرو ڕوناكبیری كۆچ كردوو(تەها ئاغاجانە),نووسەر لە ئێستادا خوێندكاری كۆلێژی ئەدەبیاتی زانكۆی سەلاحەدینە ,لە بەشی شوێنەوارناسی, بەڵام ئەوەی بەلای نووسەرەوە گرنگە كە بە ڕێگای كوردستانی ڕاگەیاند كە خەونی ئەوەی هەیە لە داهاتوودا ببێتە شوێنەوارناسێكی سەركەوتوو بۆ ئەوەی خزمەتی شوێنەوارەكانی كوردستان بكات, نووسەر لەسەرەتای ساڵی 2019 , پەیوەندی بە چەندین ڕۆژنامەو ماڵپەرەوە دەكات, كە تێیدا بە چەندین وتارو لێكۆڵینەوەی سیاسی و ئابووری و كۆمەڵایەتی و ڕۆشنبیری و شوێنەواری تێیدا بڵاوكردۆتەوە.