ئەمە بڵاوبكەوە
FaceBook  Twitter  

سێ‌ شەممە 9-2-2021 هونەرمەندی شێوەكار (عەلی ئەڵوەنی) لە یەكێك لە كۆڵانە كۆنەكانی گەڕەكی تەعجیل پیشانگایەكی تایبەتی كردەوە‌و كە ژمارەیەكی زۆر لە خەڵكی ئامادەی پیشانگایەكە بوون، وەك مامۆستا فەرهەنگ بەڕێوەبەری بەڕێوەبەرایەتی رۆشنبیری هەولێر وتی: ئەم پیشانگایە شتێكی نوێ و سەرنجڕاكێش و هەوڵێكی جیددی و ناوازە و جوانیش بوو، بەتایبەتی كە هونەرمەند، بواری خۆشنووسی ئاوێتەی تابلۆ كردبوو، ئەمەش هەوڵێكی نوێ و جوان بوو. جگە لەوەش، شوێنی كردنەوەی پیشانگایەكەیش، كە كۆڵانێكی گەڕەكی كۆنی تەعجیل بوو، بۆ خۆی گوزارشتێكی دیكە بوو بۆ مێژوو و كەلەپووری ئەو شارە و بەهەندوەرگرتنی سامانی شوێنەواری.