ئەمە بڵاوبكەوە
FaceBook  Twitter  

لە رۆژانی (9 – 14ـی شوبات/ فێبرایه‌ری 2021) لە مۆسکۆی پایتەختی رووسیا، فێستیڤاڵی نێودەوڵەتیی " ABSTRACTUM - Abstraction Festival " بەڕێوەچوو و تێیدا شێوه‌كارێكی كورد پله‌ی یه‌كه‌می فێستیڤاڵه‌كه‌ی به‌ده‌ستهێنا.

پێشانگاکە سەکۆیەکی بەرفراوانە، کە نەک تەنیا شێوەکارانی روسیا و وڵاتانی سۆڤیەتی پێشوو، بەڵکو ھونەرمەندانی وڵاتانی بیانیش یەکدەخات، هەر کەس لەپێشبڕکێکەدا دەیتوانی کارەکانی خۆی لەسەر شێوازی تابلۆی ئەبستراکت پێشکەش بەشارەزایانی ئاستی نێودەوڵەتی بکات. لەم فێستیڤاڵەدا شێوەکاری لاوی کورد نۆڕیک موسۆیان بە چوار تابلۆ، بەشداری کرد، كه‌ بریتیی بوون له‌ (تابلۆی ژیری کورد، تابلۆی رۆحی کورد، باخچە، توخمی ئاو) .

لەلایەن لیژنەی ھەڵسەنگاندنی بەرھەمەکانی فێستیڤاڵەوە، تابلۆی "ژیری کورد" کە پیاوێکی بەتەمەنی کوردە، بەجامەنە و جلە نەتەوەییەکانییەوە، پلە و خەڵاتی یەکەمی فێستیڤاڵەکەی بەدەست ھێنا.