ئەمە بڵاوبكەوە
FaceBook  Twitter  

سوپای ئەڵمانیا دەستیکردەوە بە مەشق و راهێنان بە هێزەکانی پێشمەرگە لە سەربازگەیەکی شاری هەولێر.

ماوەی سێ هەفتە بوو ئەڵمانیا بەهۆی گرژییەکانی نێوان ئەمریکا و ئێران، مەشق و راهێنانەکانی بە هێزە عێراقییەکان بەشێوەیەکی کاتی راگرتبوو.

ئاژانسی هەواڵیی ئەڵمانیا بڵاویکردەوە کە سوپای ئەو وڵاتە دەستیکردووەتەوە بە مەشق و راهێنان بە هێزەکانی پێشمەرگە لە سەربازگەیەکی مەشق و راهێنان لە شاری هەولێر.

ئاماژەی بەوەیشکردووە کە لەئێستادا مەشق و راهێنانەکان لە ناوەڕاستی عێراق بەشێوەیەکی کاتی راگیراون.

هیچ روونکردنەوە و زانیارییەک لەوبارەوە لە لایەن کاربەدەستانی هەرێمی کوردستانەوە بڵاونەکراوەتەوە.

ئەڵمانیا لەچوارچێوەی هاوپەیمانییەتی نێودەوڵەتی دژبە داعش، ٣٠٠ سەربازی لە بنکەیەکی نزیک بەغدا و بنکەیەکی دیکە لە هەولێر جێگێرکردووە.