لە ئەمڕۆوە گۆڕانکاری لە کارپێکردنی مووەلیدە ئەهلیەکانی شاری کەرکوک دەکرێت و کارەبای ۲٤ کاتژمێری نامێنێت.
فەلاح یایچی قائیمقامی کەرکوک بۆ رێگای کوردستان ووتی ، بەهۆی ئەوەی ئێران غاز رەوانەی عێراق ناکات ، کارەبای کەرکوک لە تۆڕی نیشتیمانی عێراق بۆ 600مێگاوات کەم بوەتەوە ،لەو بڕەش 150مێگاواتی بۆ فریاگوزاری ونەخۆشخانەکان دەڕوات، بۆیە ناچار بوین دەستکاری خشتەی کارپێکردنی مۆلیدە ئەهلیەکان بکەین و گۆڕانکاری تێدا بکەین.
بە ووتەی قایمقامی کەرکوک ئەم گۆڕانکاریە بۆ بەرژەوەندی هاووڵاتیانە ، چونکە ئەگەر گۆڕانکاری نەکرێت ، سەری مانگ پارەیە زۆری کارەبای موەلیدەیان دەکەوێتە سەر .
