بەڕێوەبەرایەتی کەشناسیی و بومەلەرزەزانیی هەرێم رایگەیاند، سبەی رێژەی بارانبارین زیاتر دەبێت.
بەڕێوەبەرایەتی کەشناسیی و بومەلەرزەزانیی هەرێم راگەیەنراوێکی بڵاوکردەوە و تێیدا هاتووە، ئەمڕۆ ئاسمان هەور دەبێت و ئەگەری بارینی نمەبارانی کەم هەیە لە ناوچە جیاجیاکانی هەرێم و لە ناوچە شاخاوییەکان کاریگەریی زیاتر دەبێت.
ئاماژە بەوەش کراوە، سبەی هەینی، لە ئەنجامی کاریگەری نزمە پەستانێکی نوێ لە دەریای سپی ناوەراست، ئاسمان بە تەواوی هەور دەبێت و لە کاتەکانی بەرەبەیان نمەباران دەستپێدەکات.
ئەوەش خراوەتە روو، تا کاتەکانی دوانیوەڕۆ و بەتایبەت لە ناوچەکانی بادینان و پارێزگای دهۆک، رێژەی بارانبارین زیاتر دەبێت و لە کاتەکانی ئێوارەدا کاریگەری بارانبارین کەمتر دەبێتەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : ١٨ پلەی سیلیزی
سلێمانی : ١٦ پلەی سیلیزی
دهۆک : ١٧ پلەی سیلیزی
کەرکوک : ١٩ پلەی سیلیزی
هەڵەبجە : ١٧ پلەی سیلیزی
زاخۆ : ١٨ پلەی سیلیزی
گەرمیان : ٢٤ پلەی سیلیزی
حاج ئۆمەران: ٩ پلەی سیلیزی
سۆران : ١٤پلەی سیلیزی
