لە فرۆكە خانەیەكی واشنتۆن فرۆكەیەكی مەدەنی و كۆپتەرێكی سەربازی پێكیانداداو 18 كەس گیانیان لە دەستدا.
بەرپرسانی فڕۆکەخانەی نیشتمانی ڕیگان واشنتۆن رایانگەیاند، لە رووداوێکدا لە واشنتۆن فڕۆکەیەکی نەفەرهەڵگری ئەمریکی کە ٦٤ کەسی تێدابوو و هێلیکۆپتەرێکی سەربازی ئەمریکی کە سێ کەسی تێدابوو لە ئاسمانی رووباری پۆتۆماک خۆیان بەیەکدا کێشا و کەوتنە ناو رووبارەکە.
ئەمڕۆ پێنجشەممە ٣٠ی کانونی دووەمی ٢٠٢٥، کەناڵی سی بی ئێس نیوز بە پشتبەستن بە بەرپرسێکی پۆلیس بڵاویکردەوە، تا ئێستا لانیکەم ١٨ تەرم دەرهێنراون. دوو سەرچاوە بە ئاژانسی ڕۆیتەرزیان راگەیاندووە، چەندین تەرم لە ئاوەکە دەرهێنراون.
هێڵی ئاسمانی ئەمریکی پشتڕاستی کردەوە کە ٦٤ کەس لەناو فڕۆکەکەدا بوون، ٦٠ سەرنشین و چوار ئەندامی تیمی فڕۆکەوانی. بەرپرسێکی ئەمریکیش رایگەیاند، سێ سەرباز لەناو کۆپتەرەکەدا بوون.
