وەزارەتی گواستنەوە و گەیاندنی عێراق لە ڕاگەیەندراوێكدا بڵاویكردەوە، دوای زاڵبون بەسەر هەمو ئەو مەترسیانەی کە ئەگەری هەبو کاریگەرییان لەسەر ئاسایش و سەلامەتی فڕۆکەوانی مەدەنی لەعێراق هەبێت، وەزیری گواستنەوە و گەیاندن ڕێنمایی کردەوە کە ئاسمانی عێراق بەڕوی ئەو فڕۆکە مەدەنییانەی كە بەسەر ئاسمانی عێراقدا تێدەدەپەڕن یاخود گەشت بۆ فڕۆکەخانەکانی عێراق ئەنجام دەدەن.
ئاماژەی بەوەشكرد، "کۆمپانیای گشتی بۆ فڕۆکەخانەکان و بەڕێوەبردنی کەشتیوانی ئاسمانی دەستی بە کارەکانی کردوە بۆ وەرگرتنی فڕۆکەی هاتن، ڕۆیشتن و ترانزێت و بەڕێوەبردنی ئاسمانی عێراق".
لە ڕاگەیەندراوەکەدا ئەوەش هاتوە، "کۆمپانیای گشتی هێڵی ئاسمانی عێراقی، هاوکات لەگەڵ کردنەوەی ئاسمانی عێراق بەڕوی جوڵەی فڕۆکەکاندا، گەشتەکانی دەستپێدەکاتەوە و ڕێگاکانی بۆ سەرجەم شوێنەکانی دەکاتەوە".
ئەوە لە كاتێكدایە ئەمشەو ئێران هێرشی موشەكی كردە سەر ئیسرائیل و بەهۆی ئەوەوە پێنج وڵات ئاسمانی وڵاتەكەیان بەڕوی فڕۆكە مەدەنیەكاندا داخست، كە عێراق یەكێك بو لە وڵاتانە.
