ئەم هەواڵە بڵاوبكەوە
FaceBook  Twitter  

بەشی یازدەیەم

له‌به‌شى پێشووتردا، ئه‌وه مان ڕوون کرده‌وه که‌ درءشمه‌کانى ئه‌وان نه‌یانتوانیوه‌ ببنه‌ ئه‌لته‌رناتیڤى ئێستاو، هه‌روه‌ها ناتوانێت ده‌ربڕى ڕه‌ووشى سیاسى و کۆمه‌ڵایه‌تى و ئابوورى ده‌سه‌ڵاتى ئاینده‌ بێت. به‌ڵام له‌م به‌شه‌دا ئه‌وه ڕوون ده‌که‌ینه‌وه که‌ دروشمه‌ کانیان له‌گه‌ڵ به‌کارهێنانه‌ جیاوازه‌کانیان له‌ڕووى شێوه‌وه‌، به‌ڵام یه‌ک واتا و یه‌ک ئامانج ده‌گه‌یه‌نێت. 

له‌گه‌ڵ به‌کارهێنانه‌ جیاوازه‌کانى خۆیان و له‌گه‌ڵ ئه‌وه ى که‌ ده‌یانه‌وێت له‌ ڕێگه‌ى چه‌ند تێڕوانینێکه‌وه‌ بیکه‌ن، فاکته‌رى جێ به‌جێ بوون و ئه‌لته‌رناتیڤى (ئازادى ، یه‌کسانى ، حکومه‌تى کرێکارى)، هه‌روه ‌ها ئه‌م پلاتفۆڕمه‌ نه‌یتوانیوه‌ جێگه‌ى ته‌واوى خه‌باتى چینایه‌تى و شۆڕشى کرێکارى له‌ عێراق و کوردستاندا دیارى بکات. ئامانجى خه‌باتى ئێستا بۆ ئاینده‌ ڕوون پیشان نادات و، ئامانجى خه‌بات به‌گۆڕانى ڕیشه‌یى له‌ده‌سه‌ڵاتى سه‌رمایه‌داریدا دیارى ناکات. ڕوون بوونى زیاترى تێڕوانینه‌کانى ئێمه‌ له‌باره‌ى جیاواز نه‌بوونى هه‌رسێ پلاتفۆرمه‌که‌ له‌ تێڕوانین و هه‌ڵسه‌نگاندنه‌کانى ئه‌وان له‌ ناوه ‌رۆکى پلاتفۆرمه‌کاندا ده‌رده‌که‌ون. چونکه‌ لایه‌نه‌ جیاوازه‌کانى پلاتفۆرمه‌کان و سه‌رچاوه ستراتیژیه‌که‌یان، کاکڵه‌ى ئامانج و ئاواتى خه‌باتى هه‌رئێستایان بۆ ئاینده‌ ده‌رده‌خات. 

بۆ ده‌ربڕینى زیاترى ڕاستى بڕواو بۆ چونه‌کانمان به‌ده‌سته‌واژه‌ و ووشه‌و ڕسته‌گه‌لێکى خۆیان ده‌ست پێ ده‌که‌ین. هه‌روه ک له‌ په‌یڤینى په‌یامى کۆمۆنیزمى ژماره‌ (5)ى شوباتى 1999 دا له‌گه‌ڵ (ئه‌حمه‌د معین) له‌باره‌ى دروشمى (نان ، کار ، ئازادى ، حکومه‌تى شورایى) به‌م شێوه‌یه‌ ئه‌دوێت [ به‌هه‌رحاڵ ئه‌بێ کرێکارانى عێراق، وه کو هێزێکى رادیکال و پێشڕه‌ و ڕابه‌رى سه‌رجه‌م خه‌ڵکى عێراق، چ له‌به‌رامبه‌ر وه زعى مه‌وجوددا، چ له‌هه‌ر ئاڵ و گۆڕ ووه رچه‌رخانێکدابه‌ شیعارێکى سه‌رتاسه‌رىیه‌وه بێنه‌ مه‌یدان، شیعارێک که‌ جوابده‌ره‌وه بێت به‌قوڵترین و هه‌مه‌لایه‌نى ترین و شۆڕشگێڕانه‌ترین ئاوات و ئامانجه‌کانى زۆربه‌ى هه‌ره‌ زۆرى خه‌ڵک و ڕه‌نگدانه‌وه ‌ى داخوازى و ئاواتى ئه‌وانه‌ هه‌م بۆ گۆڕینى فه‌ورى بارودۆخى ئابوورى و سیاسى و کۆمه‌ڵایه‌تى ژیانیان و هه‌م گوڕوتینێکى به‌هێز ئه‌دا به‌خه‌باتیان ڕووه و سۆشیالیزم. ئێمه‌ پێمان وایه‌ شیعارى (نان ، کار ، ئازادى ، حکومه‌تى شورایى) ئه‌و شیعاره‌یه‌] بۆ ڕوون کردنه‌وه ى ئه‌م په‌ره‌گراڤه‌ ئه‌وه دێنینه‌وه بیر که‌ له‌به‌شى پێشووترداو له‌ژماره‌ (2)ى په‌یامى کۆمۆنیزم دا، له‌ گفتوگۆکاندا ئه‌وه ‌یان ڕوون کردبووه‌ وه و که‌ئه‌م دروشمه‌و جێ به‌جێ بوونى پێش مه‌رجى به‌ده‌ست هێنانى دروشمى (ئازادى ، یه‌کسانى ، حکومه‌تى کرێکارى)یه‌. به‌ڵام ئه‌م تێڕوانینه‌ى ئه‌وان ناتوانێت له‌ تێڕوانینێکى دروست کراوو دوور له‌ڕاست ڕوویى، هیچ شتێکى ترى لـێ به‌رهه‌م بێت. ته‌نها ئاوه زى میتافیزیکانه‌ى تیادا به‌رجه‌سته‌و دیاره‌.

دروست کردنى ئه‌و پلاتفۆرمه‌ له‌ سه‌ره‌تادا وابه‌یان ده‌کرا که‌ پێش مه‌رجه‌ بۆ به‌ده‌ست هێنانى پلاتفۆرمى پێشوویان. به‌ڵام له‌ لێکدانه‌وه ى گشتى ئه‌و پلاتفۆرمه‌دا ناتوانێت هیچ به‌ڵگه‌یه‌کى جیابوونه‌وه بێت له‌ پلاتفۆرمى پێشووتریان. هه‌رءه‌ها دامه‌زراندنى ئه‌و پلاتفۆرمه‌ نوێ یه‌ش ده‌گه‌ڕێته‌وه بۆ بوونى ته‌نگژه‌ى ڕامیارى و کۆمه‌ڵایه‌تى بوونى ڕێکخراوه و حیزبه‌کانى سه‌ربه‌ (ک.ک) له‌ساته‌ جیاجیاکاندا. وه نه‌گونجانى کارو هه‌ڵسووڕانیان له‌ چوارچێوه‌ى ڕه‌ووشى ڕامیارى و چینایه‌تى و کۆمه‌ڵایه‌تى ناوچه‌که‌دا. هه‌روه ‌ها ناجۆرى کارو خه‌باتیان له‌گه‌ڵ ڕه‌ووشى خه‌باتى چینى کرێکار له‌ چوارچێوه و ده‌وروبه‌رى خۆیاندا، ئه‌بووه‌ هۆى ئه‌وه ى که‌ گه‌شه‌کان، دواکه‌وتن و بچووک بوونه‌وه ى چوارچێوه‌ى هه‌ڵسوڕانیان، و به‌ده‌ست هێنانى داخوازییه‌کى زۆر بچووک و که‌نارگیر بوو. به‌ڵام ئه‌م بچووک بوونانه‌وه په‌یوه‌ندى به‌سیستمى هزرى و میۆدى پراکتیک کراوى یانه‌وه‌ هه‌بوو. چوونکه‌ ئه‌و میتۆده‌و هزره‌که‌ى نه‌ى ده‌توانى له‌چوارچێوه‌ى به‌رژه‌وه ندىیه‌ ڕامیارى و هزرى یه‌کانى وورده‌ بۆ رژوازى ده‌ربچێت و ڕه‌ووشى ڕامیارى ناوچه‌که‌ ڕووبه‌ڕووى شڵه‌ژان و لێک هه‌ڵپچڕان بکات به‌قازانجى چینى کرێکار و، وه ڵامى پڕاوپڕى کارو کردارى سه‌رمایه‌دارى و بۆ رژوازى بێت. واته‌ هه‌موو ئه‌مانه‌ ده‌بوونه‌ هۆى ئه‌وه ى که‌ (حککع)و بزووتنه‌وه ‌ى بنیات نان، له‌سه‌ره‌تادا سه‌ربه‌هه‌مان میتۆد بوون و (حککع) هه‌ڵیگرتبوو.

هه‌رکاتێک ته‌نگژه‌ى ڕامیارى ڕووبه‌ڕووى (حککع) ببوایه‌ ئه‌مانیش وه ک نه‌خۆشى درمىیه‌کان ده‌یگرێته‌وه و، بێ وه ‌ڵام و ده‌سته‌ و ئه‌ژنۆ له‌به‌رامبه‌ر هێرشى و په‌لاماره‌کانى سه‌رمایه‌دارى له‌ڕووى میتۆدى و هزرىیه‌وه ده‌سته‌و ئه‌ژنۆ ده‌بوون. له‌به‌ر ئه‌وه نه‌ى ده‌توانى ڕه‌ووشى ڕابردوو به‌هه‌مان میتۆدى ڕابردوو تێ په‌ڕێنێت. له‌به‌ر ئه‌وه بۆ ڕه‌ووشه‌که‌و گۆڕان تیایدا پێویستیان به‌گۆڕان له‌ میتۆدا هه‌یه‌، هه‌تا بتوانێت گه‌راى ئه‌و قوزاغه‌یه‌ ژیانى قۆزاغه‌یى تێپه‌ڕێنێت و به‌ره‌ و زینده‌وه رێکى زیندوو گه‌شه‌ بکات. کاتێک میتۆد هه‌مان میتۆدى پێشوو بێت، هه‌رچه‌نده‌ پلاتفۆرمه‌که‌ش له‌ڕووى شێوه‌یىیه‌وه‌، بگۆڕێتن ناتوانێت ڕه‌ووشى ڕووداوه ‌کان بگۆڕێت و دڕبه‌ته‌نگژه‌ى ڕابردووبدات. له‌به‌ر ئه‌وه ى ئه‌وان پلاتفۆرمه‌که‌یان هه‌مان واتاو ستراتیژى ڕابردوو دووپات ده‌که‌نه‌وه و هه‌مان ناوه رۆک ده‌گه‌یه‌نێت. ناتوانێت شه‌وه زه‌نگى ژیانى ڕامیارى ڕابردوو بشڵه‌قێنێ. له‌م سۆنگه‌یه‌وه پلاتفۆرمى (نان، کار، ئازادى، حکومه‌تى شورایى) هه‌تا کاتى دواى جیابونه‌وه ‌یان له‌ (ک.ک) یش هه‌ربه‌رده‌وامى هه‌یه‌. واتا هه‌تا ئه‌وکاته‌ش تێگه‌شتن له‌ناوه ‌رۆکى پلاتفۆرمه‌که‌یان نازانستى و نادروسته‌. بۆیه‌ ئه‌و پلاتفۆرمه‌ هه‌مان ده‌سه‌ڵاته‌ که‌ (ئازادى، یه‌کسانى، حکومه‌تى کرێکارى) به‌یانى ده‌کات. له‌م سۆنگه‌یه‌وه ڕه‌ووشى ته‌نگژه‌ى ڕامیارى ئه‌وان هه‌روه ک خۆى و له‌گه‌ل ژیانیاندا درێژماوه ده‌بێت. هه‌روه ها ئه‌و شیکارىیه‌ى که‌ بۆ پلاتفۆرمى (نان، کار، ئازادى، حکومه‌تى شورایى) ده‌کرا شیکارێکى هه‌ڵئینجاوى ته‌نگژه‌ى ڕامیارىیان بووه‌ و هه‌روه ها وویستوویانه‌ له‌و ڕێگه‌یه‌وهوه ڵامى کێشه‌کانیان بده‌نه‌وه له‌ڕووبه‌ڕووى هزرو مه‌سه‌له‌ى ڕێکخراوکردنى بیۆس پۆلیتیکوس و ئامانجى ده‌سته‌که‌یان یان حیزبه‌ که‌یان بووه‌. ئه‌وه ‌ش بۆ (حککع) و (حککا) به‌هه‌مان شێوه‌ ڕاسته‌ چونکه‌ ئه‌وانیش ده‌یان خواست له‌ڕێگه‌ى به‌کارهێنانى ووته‌زاى (جمهورى سۆسیالیستى)یه‌وه له‌جێگاى (حکومه‌تى کرێکارى)دا وه ڵام به‌ژیانى قۆزاغه‌یى یان له‌ڕووى پراکتیکى ڕامیارى و هزرى و رێکخراوه ىیه‌وه بده‌نه‌وه. وه ‌ڵام به‌ته‌نگژه‌ ڕامیارى و ڕێکخراوىیه‌کان و کۆمه‌ڵایه‌تىیان بده‌نه‌وه بتوانن به‌رگه‌ى زیاتر بگرن و،کاتێکى زۆرتر سه‌وداو مامه‌ڵه‌ى ڕامیارى بکه‌ن، درێژه‌ به‌ته‌مه‌نیان بده‌ن، و ئینریژى چینایه‌تى له‌ گۆڕه‌پانى ڕامیاریدا نیگار بکێشن. بێ هیوایى له‌ئاوه ‌زى ئه‌ندامى حیزبه‌که‌یاندا بڕه‌وێنێته‌وه و پله‌و پایه‌کى تر بده‌ن به‌ئاستى ڕێکخراوه یى و میتۆدى و ڕامیارییان. به‌ڵام ئه‌مانه‌ ناتوانن وه ‌ڵامى پڕاوپڕى تێ په‌ڕاندنى ته‌نگژه‌کانیان بێت. چونکه‌ جیاوازى کردن له‌نێوان هه‌ردوو دروشمه‌که‌داو، هه‌رءه‌ها دانانى له‌به‌رده‌م گه‌شه‌ى دروشمى (ئازادى ، یه‌کسانى ، حکومه‌تى کرێکارى)دا ڕانانێکى نادروست و هه‌ڵه‌یه‌ و ناتوانێت ده‌ربڕى تێزو ته‌رزى دیفاکتۆى و ته‌رزێک له‌ ڕانانى ڕه‌ووشى ڕامیارى و کۆمه‌ڵایه‌تى چینى کرێکار بێت. به‌ڵام ڕانانه‌کان ئه‌وه‌ ئاشکرا ده‌که‌ن که‌ ته‌نها شێوه‌یه‌که‌ له‌ شێوه‌کانى دیما گۆجىیه‌تى ئه‌و ده‌سته‌یه‌.

بۆ جارێکى تر له‌ ئاخافتنێکى تردا (ئه‌حمه‌د معین) ئه‌وه دووپات ده‌که‌نه‌وه له‌ وه ‌ڵامێکى ترى ئه‌و په‌یڤینه‌ى دا ئاوا باس ده‌کات {به‌رزکردنه‌وه ‌ى ئه‌م دروشمه‌ نه‌ک هه‌ر ناکۆکى نىیه‌ له‌گه‌ڵ دروشمى (ئازادى ، یه‌کسانى ، حکومه‌تى کرێکارى) به‌ڵکو به‌هێزترین ته‌کانه‌ ڕووه و ئه‌و ئامانجه‌ (ل5–په‌یامى کۆمۆنیزم ژماره‌ (5)-شوباتى 1999)} شۆکى ئه‌و ڕانانه‌و پلاتفۆرمه‌که‌، له‌ ناوه رۆکى پلاتفۆرمه‌که‌و، له‌جێگه‌ دانانێکى ترى سه‌رده‌مى پێش به‌کار هێنان و جێ به‌جێ کردنى دروشمى (ئازادى ، یه‌کسانى ، حکومه‌تى کرێکارى) دایه‌ لێره‌دا وه ‌ک له‌به‌شى پێشووشدا لێکمان داوه ‌ته‌وه، ئه‌و دروشمه‌ى (نان، کار، ئازادى، حکومه‌تى شوراى) کردووه‌ به‌پێش مه‌رجى به‌ده‌ست هێنانى ستراتیژو پلاتفۆڕمى (ئازادى، یه‌کسانى، حکومه‌تى کرێکارى) ئه‌م دیده‌ش هه‌ڵگرى لێکدانه‌وه یه‌ک و جیهان بینىیه‌کى نازانستىیه‌. چونکه‌ له‌به‌رده‌مى دامه‌زراندنى دیکتاتۆریه‌تى پرۆلیتاریادا هیچ شتێک نىیه‌ بێجگه‌ له‌وه ى که‌ چینى کرێکار دروست بوونى حیزبى خۆى و ڕێکخراو کردنى و هۆشیار کردنه‌وه یه‌کى ڕامیارى چینایه‌تیانه‌ نه‌بێت، بۆ جێ به‌جێ کردنى ستراتیژى دیکتاتۆریه‌تى پرۆلیتاریا. به‌لام ئه‌م دیکتاتۆریه‌ته‌ جیاوازى له‌گه‌ڵ پلاتفۆرم و ستراتیژى (ک.ک) و بزءءتنه‌وه ى بنیات نان داهه‌یه‌. چونکه‌ ئه‌و پلاتفۆرمه‌ى ئه‌وان ناتوانێت ده‌ربڕى هه‌ڵسووڕان و ڕامیارى پرۆلیتاریا بێت. له‌به‌رئه‌وه ى تێکه‌ولێکه‌یه‌کى ڕوون و ئاشکرایه‌ له‌ نێوان ده‌سه‌ڵاتى چینایه‌تى و سیسته‌مى کۆمه‌ڵایه‌تى و ئابوورى بێ چین. که‌ دوو ناوه ڕۆک و دووپێک هاتنى کۆمه‌ڵایه‌تى جیاوازیان هه‌یه‌ هه‌رءه‌ها ده‌ربڕى ڕامیارى و ئامانجى ڕامیاریستى سۆسیال–لیبرالیزمى ئه‌ورووپىیه‌. به‌ڵام ئه‌وه نده‌ى دیکتاتۆریه‌تى پرۆلیتاریا مه‌رجى به‌ده‌ست هێنانى سۆسیالیزمه‌، سۆسیالیزم دیکتاتۆریه‌تى پرۆلیتاریا دروست ناکات هه‌روه ها له‌لاى ئه‌وان دوو پلاتفۆرم به‌ناوه رۆک یه‌کسان ده‌که‌ن به‌پلاتفۆرمى یه‌ک ئه‌وى تریان به‌ده‌ست ده‌هێنێت. بانێکه‌و دووهه‌وا. چونکه‌ (نان ، کار) هه‌ردووکیان ده‌ربڕى پێکهاتى په‌یوه‌ندى یه‌کسانن له‌نێوان مرۆڤدا. به‌مه‌رجێک هه‌ردوو لایه‌نى یه‌کسان به‌شێوه‌یه‌کى یه‌کسان پێویستىیه‌کانى ڕۆژانه‌ى ژیان بۆ هه‌ردوولا دابین و پرۆسیس بکرێت. ئه‌مه‌ش له‌به‌شى پێشووتردا به‌ڕێژه‌یه‌ک له‌سه‌رى دواوین.

ئازادیش هه‌مان ئازادى پلاتفۆرمى پێشووه‌ و حکومه‌تى کرێکارى و حکومه‌تى شورایى، یه‌ک ناوه ڕۆک و یه‌ک میتۆدیان هه‌یه‌. چونکه‌ ده‌سه‌ڵاتى کرێکاران له‌ حکومه‌تى خۆیاندا له‌ ڕێگه‌ى دامه‌زراندنى شوراکانى کرێکارانه‌وه‌ جێ به‌جێ ده‌بێت. که‌واته هه‌ردوو پلاتفۆرمه‌که‌ یه‌ک واتاو یه‌ک ناوه ‌رۆکى ڕامیاریان هه‌یه‌. به‌ڵام له‌ڕووى پراکتیکىیه‌وه هیچ شانسێکى پراکتیک کردنى نىیه‌، چونکه‌ له‌ هه‌ردوو ڕووى په‌یوه‌ندىیه‌که‌وه‌ لێک جوداو دژ به‌یه‌کن. به‌هۆى ئه‌وه ى ده‌سه‌ڵاتى چینایه‌تى یه‌کسانى و ئازادى نىیه‌، ته‌نها پرۆسیسێکى دیموکراتى ده‌سه‌ڵاته‌ له‌لایه‌ن چینى باڵاده‌ست. به‌ڵام به‌کارهێنانى پلاتفۆرمى (نان، کار، ئازادى، حکومه‌تى شورایى) به‌ناوه ندو هۆى جێ به‌جێ بوونى ستراتیژى پلاتفۆرمه‌که‌ى تردا ده‌نرێت،ئه‌م گوته‌یه‌ ته‌نها له‌ ئه‌ندێشه‌ى لێکده‌ره‌وه یه‌کى میتافیزیکىیه‌وه هه‌ڵئه‌ئینجێ. هۆکه‌شى ئه‌وه ‌یه‌ که‌ ته‌نگژه‌ى سیاسی و کۆمه‌ڵایه‌تى یان نازانن که‌ ڕه‌گه‌ى دواکه‌وتن و لێک دابڕانى هه‌ردوولایه‌نه‌که‌یه‌ له‌چ شوێنێکدایه‌، له‌به‌ر ئه‌وه ى هه‌ر له‌خۆیانه‌وه به‌کارهێنانى بۆ به‌کارده‌هێنن. چونکه‌ هیچ لێکدانه‌وه ‌یه‌ک له‌سه‌ر ڕه‌ووشى ڕامیارى و ئابوورى و چینایه‌تى و ده‌سه‌ڵاتى چینه‌کان له‌عێراق و ناوچه‌که‌دا، به‌رجه‌سته‌نىیه‌ له‌گفتوگۆ و هه‌تا له‌بیرکردنه‌وه له‌دامه‌زراندنى شێویه‌ک له‌ شێوه‌کانى – فرماسیۆنى ده‌سه‌ڵات – هیچ به‌دواداچوونێک نابینێت. له‌به‌ر ئه‌وه ى نه‌ڕه‌ووشى ڕامیارى و کۆمه‌ڵایه‌تى و ئابوورى عێراق ئه‌وه‌ هه‌ڵئه‌گرێت که‌ ئه‌و پلاتفۆرمه‌ وه ڵامى پڕاوپڕى ڕه‌ووشه‌که‌ بێت و ببێته‌ ئه‌لته‌رناتیڤ. چونکه‌ هه‌م لێکدانه‌وه ى ڕه‌ووشه‌که‌و هه‌م پلاتفۆرمه‌که‌ش نازانستىیه‌. ئه‌گه‌ر دووپلاتفۆرم یه‌ک ناوه ‌رۆک و یه‌ک پێناسه‌بن چۆن و به‌چى هۆیه‌که‌وه لایه‌کیان ده‌بێت به‌هۆیه‌کى پراکتیکى جێ به‌جێکردنى پلاتفۆرمه‌که‌ى تریان!. بێگومان هه‌ردووکیان یه‌ک واتاو یه‌ک پێناسیان هه‌یه‌ له‌به‌رئه‌وه ناتوانن یه‌کێکیان لایه‌نى پراکتیکى جێ به‌جێکردنى ئه‌وى تریان بێت. 

ده‌بێت چ هۆیه‌ک پاڵنه‌ربێت که‌وا (ئه‌حمه‌د معین) ئه‌و دووپلاتفۆرمه‌ى یه‌ک پێناسه‌ بکات به‌وه ى یه‌کێکیان ئه‌توانێت ئه‌وى تریان به‌ده‌ست بهێنێت! بێ گومان فاکته‌ێکى هه‌ره‌ گرنگ درک نه‌کردنى ڕه‌گه‌و پێک هاتى ڕه‌ووشى بیۆس پۆلیتیکۆس و کۆمه‌ڵایه‌تى عێراق و ناوچه‌که‌و درکى ناڕۆشنیش له‌سه‌ر پلاتفۆرم و لێک نه‌دانه‌وه ى ناوه ڕۆکى پلاتفۆرموو په‌یوه‌ستى لایه‌نه‌کان وووشه‌ جیاجیاکانى ناو پلاتفۆرمه‌که‌یه‌ به‌یه‌که‌وه‌. هه‌روه ها درک نه‌کردن و نه‌بوونى پێناسه‌یه‌ک له‌سه‌ر هه‌رسێ لایه‌نى پێکهێنه‌رى پلاتفۆرمه‌که‌. تێ نه‌گه‌یشتن له‌ڕه‌ووشى ده‌سه‌ڵاتى پرۆلیتاریاو ئامانج و ستراتیژى ئه‌ و ده‌سه‌ڵاته‌ و پرۆسه‌ى پراکتیک کردنى ستراتیژى یه‌که‌ى به‌هۆى چ جۆرێک له‌سیسته‌مى ڕامیارى وچینایه‌تىیه وه‌ جێ به‌جێ ده‌بێت. ته‌نها له‌کاڵ فامىیه‌وه هه‌مان پلاتفۆرم به‌گۆڕانێکى ووته‌یىیه‌وه‌ دووباره‌ ده‌که‌نه‌وه و ده‌یکه‌ن به‌لایه‌نى پراکتیکى و هۆیه‌ک بۆ جێ به‌جێکردنى پلاتفۆرمه‌که‌ى دى که‌هه‌مان ناوه ڕۆکى هه‌یه‌. ئه‌مه‌ش خۆڵ کردنه‌ چاوى ده‌وورووپشتى خۆیان و به‌کاربردنى ڕامیارییه‌کى دیماکۆجیانه‌یه‌ له‌ پرۆسه‌ کاروکردارى ڕامیاریاندا.

ئاوزانى (ئه‌حمه‌د معین) له‌سه‌ر ڕه‌ووشى شۆڕش زۆر ئایدیالیستىیانه‌یه‌ و ناتوانێت ڕه‌ووشى ئێستاو ستراتیژى شۆڕشى کرێکارى ببینێت. ناتوانێت ده‌ستوورى ڕه‌ووشى شۆڕش به‌یان بکات، به‌شێوه‌یه‌کى میتافیزیکانه‌ ناوه رۆکى شۆڕش ده‌رده‌خات و، میتا مێژوویى ڕه‌ووشى خه‌بات و تێکۆشانى چینى کرێکار ده‌بینێت. دیدى بۆ شۆڕش له‌م په‌ره‌گرافه‌ دا ده‌رده‌خه‌ین [ به‌کورتى ئه‌لقه‌ى مه‌رکه‌زى خه‌بات بۆ سۆشیالیزم و بۆ ته‌حقیقى ستراتیژى شۆڕشى کرێکارى له‌ئه‌مڕۆى عێراقدا بریتىیه‌ له‌شیعارى (نان ، کار ، ئازادى ، حکومه‌تى شورایى) (ل6 – په‌یامى کۆمۆنیزم – ژماره‌(5)- شوباتى 1999)] ئه‌م تێزه‌ى (ئه‌حمه‌د معین) له‌سه‌ر به‌ده‌ست هێنانى ڕه‌ووشى شۆڕشگێڕى له‌ڕێگه‌ى پلاتفۆرمێکى له‌و جۆره‌ زۆر نادروست و دوور له‌ چاوبینى ڕه‌ووشى شۆڕشه‌. چونکه‌ شۆڕش به‌ره‌نجامى چه‌وساندنه‌وه ى ڕه‌ووشى ڕامیارى و ئابوورى و کۆمه‌ڵایه‌تى چه‌وسێنه‌رانه‌ى سه‌رمایه‌دارىیه‌ له‌سه‌ر چینى کرێکار و توێژگه‌لێکىتر. ئه‌مه‌ش به‌شێک و سه‌رچاوه ‌یه‌که‌ له‌ سه‌رده‌مێکى مێژووى مرۆڤایه‌تى. 

به‌ڵام ئه‌و په‌ره‌گراڤه‌ى په‌یڤینه‌کانى (ئه‌حمه‌د معین) پلاتفۆرمى کردووه‌ به‌هۆى جێ به‌جێکردنى شۆڕشى کرێکارى. به‌م پێو دانگه‌ى سه‌ره‌وه‌ بێت، ته‌نها به‌رزکردنه‌وه ى دروشمێک ئیتر ڕه‌ووشى شۆڕش و زه‌مینه‌ى به‌رپابوونى به‌رجه‌سته‌ ده‌بێت. له‌لایه‌کى تره‌وه ئێمه‌ زه‌مینه‌ى به‌رجه‌سته‌بوونى شۆڕش بێجگه‌ له‌هه‌ل و مه‌رجى خراپى بارى ئابوورى و کۆمه‌ڵایه‌تى و ڕامیارى چینى کرێکار به‌گرنگى مێژوویى ده‌زانین. هه‌روه ها لایه‌نێکى ترى کاریگه‌رى جێ به‌جێکردنى بوونى شۆرش، هۆشیارى چینى کرێکاره‌ به‌تێزێکى ڕامیارى چینایه‌تى و کۆمۆنیستى زانستى. واتا به‌ده‌ست هێنانى ستراتیژ له‌ڕێگه‌ى پراکتیک کردنى فاکته‌رى به‌ده‌ست هێنانى ستراتیژه‌. هۆشیارى و خه‌باتى ڕامیارى و بوونى حیزبى چینایه‌تى چینى کرێکار و میتۆد و فه‌لسه‌فه‌ى بزاوتنى چینایه‌تى و ئاسۆ ڕۆشنى خه‌بات و تێکۆشان ده‌توانێت کاریگه‌ربێت له‌سه‌ر به‌رپابوونى شۆڕش بۆ به‌ده‌ست هێنانى ئامانجى مێژوویى خۆى. هه‌روه ‌ها شۆڕش به‌مانا کۆمه‌ڵایه‌تى و ڕامیارییه‌که‌ى گۆڕانى بنه‌ڕه‌تى له‌ په‌یوه‌ندى ڕامیارى و کۆمه‌ڵایه‌تى و ئابوورى ئێستادا دروست بکات، بێجگه‌ له‌ کارکردو فاکته‌رى مێژوو کردى شۆڕش. له‌م سۆنگه‌یه‌وه ئه‌و درءشمه‌ى که‌ ده‌یکه‌ن به‌فاکته‌رى جێ به‌جێ کردنى درءشمى (ئازادى، یه‌کسانى، حکومه‌تى کرێکارى) هه‌رءه‌ها دروشمى (ئازادى، یه‌کسانى، جمهورى سۆسیالیستى) ئێستاى (حککع) هیچ جیاوازىیه‌کى بنه‌ڕه‌تیان نىیه‌و ته‌نها له‌ڕووى ده‌رکه‌وتنى و ده‌سته‌واژه‌کانىیه‌وه نه‌بێت. به‌و هۆیه‌وه، دروشمه‌کان یه‌کسانن و یه‌ک فۆرمیان هه‌یه‌. ئه‌گه‌ر به‌کارهێنانه‌کان جیاوازیش بێت. له‌و په‌ره‌گراڤه‌وله‌پێش ئه‌وه شدا که‌ (ئه‌حمه‌د معین) به‌یانى ده‌کات و ده‌ڵێت [ گه‌وره‌ترین ته‌کان ئه‌دا به‌خه‌باتى کرێکاران و زه‌حمه‌تکێشانى عێراق به‌ره‌و جێبه‌جێکردنى فیعلى شیعارى (ئازادى، یه‌کسانى، حکومه‌تى کرێکارى) (ل6-په‌یامى کۆۆمنیزم – ژماره‌ (5)- شوباتى 1999) ] به‌م ڕانانه‌ى ئه‌و بێت، پلاتفۆرمه‌کان ده‌ربڕى ڕامیارى ڕێکخستنه‌کانیانه‌. به‌ڵام ڕامیارى و ڕێکخستنى چینى کرێکار هه‌ڵگرى ستراتیژو دروشمى تایبه‌تى خۆیه‌تى. له‌به‌رئه‌وه ناکرێت پلاتفۆرم به‌فاکته‌رى ڕێکخستن به‌یان بکرێت. یان له‌ جێگه‌ى خه‌بات له‌پێناوى شۆڕشدا دابنرێت. به‌ڵکو دروشم ده‌ربڕى ڕامیارى و ئامانجى شۆڕش گێڕانه‌ و خه‌باتى چینایه‌تى چینى کرێکاره‌. ده‌ربڕى ئاسۆ و ئامانجى چینى کرێکاره‌، ده‌ربڕى ئاینده‌ به‌ده‌سته‌وه گرتنى یان نه‌گرتنى ده‌سه‌ڵاته‌. 

درءشمێکى تێکه‌ڵ و پێکه‌ڵى یان دوالیزمه‌یى (نان، کار، ئازادى، حکومه‌تى شورایى)، هه‌روه ها دروشمه‌که‌ى دى، که‌ ئه‌م دروشمه‌یان ده‌خاته‌ پێناو به‌جێ گه‌یاندنى ئاسۆو ئامانجه‌که‌ى، لێکدانه‌وه یه‌کى سه‌رلێتێکده‌ره‌ و له‌کاڵ فامىیه‌وه سه‌رچاوه ‌یان گرتووه‌. ئه‌گینا خه‌بات له‌ ده‌وورى ئامانج و ئاواتێکه‌ که‌ پرۆلیتاریا له‌ مێژووى خۆیدا هه‌وڵ و تێکۆشانى له‌پێناویدایه‌تى، ئامانجى به‌ده‌ست هێنانى ڕووخاندنى سیسته‌مى سه‌رمایه‌دارى و دامه‌زراندنى دیکتاتۆریه‌تى پرۆلیتاریا بۆ به‌ده‌ست هێنانى ته‌واوى سیسته‌مى کۆمه‌ڵایه‌تى سۆسیالیستى و کۆمۆنیستى زانستىیه‌. ئه‌بێت ئه‌وه ڕوون بێت که‌ پلاتفۆرمى ڕۆژ ستراتیژى ڕۆژه‌ و هه‌روه ها دروشمى سه‌ره‌کى حیزب و چینى کرێکاریش ستراتیژى دووروسه‌ره‌کى خه‌باته‌. که‌واتا دروشمى ڕۆژ له‌پێناو به‌ده‌ست هێنانى دروشمى سه‌ره‌کى و شۆڕشىدایه‌. شۆڕشیش جێ به‌جێ کردنى دروشمى سه‌ره‌کى و دوورى خه‌باته‌. به‌ڵام په‌یامى دروشمه‌کانى ئه‌وان په‌یامێکى وورده‌ بۆ رژوازى و تێکه‌ڵ و پێکه‌ڵه‌و، به‌رهه‌م هێنى هه‌مان سیسته‌مى ده‌سه‌ڵاتى سه‌رمایه‌دارى ده‌ءڵه‌تىیه‌. واتا هه‌رسێ دروشمه‌کان هیچیان دروشمى ماددى مێژوویى و سروشتى و ستراتیژى شۆڕشى چینى کرێکارنىیه‌ به‌ڵکو ڕامیارى و ئامانجێکى پراگماتى وورده‌ بۆ رژوازىیه‌. هه‌رءه‌ها له‌کۆتایدا (ئه‌حمه‌د معین) شیکارىیه‌ک بۆ ووته‌زاى پلاتفۆرمى به‌کارهێنراوى (نان ، کار ، ئازادى ، حکومه‌تى شورایى)ده‌کات و ده‌ڵێت [ نان و کار یانى دابین کردنى ژیانێکى تێرو ته‌سه‌ل بۆ تاک تاکى ئه‌ندامانى کۆمه‌ڵى عێراقى، یانى په‌یدا کردنى فرسه‌تى کارى گونجاو یان دابینکردنى بیمه‌ى بێکارى، یان چوونه‌ سه‌رى ئاستى کرێ به‌پێى چوونه‌سه‌رى نرخه‌کان، یانى دیاریکردنى کرێ و سه‌عاتى کار له‌لایه‌ن نوێنه‌رانى هه‌ڵبژێردراوى کرێکارانه‌وه‌. یانى کرێى یه‌کسان بۆکارى یه‌کسانى ژنان و پیاوان و…… هتد و سه‌رجه‌م داخوازىیه‌ ڕیفاهى و مه‌عیشىیه‌کانى کرێکاران و زه‌حمه‌تکێشان و زۆربه‌ى هه‌ره‌ زۆرى خه‌ڵکى مه‌حروومى عێراق (ل5-ژماره‌ (6)- په‌یامى کۆمۆنیزم – ئازارى – 1999) ] لێره‌دا ئه‌وه ده‌رده‌که‌وێت که‌ (نان ، کار) خه‌سڵه‌تى ڕیفۆرمى هه‌یه‌ له‌ په‌ره‌گرافه‌که‌دا. له‌گه‌ڵ ئه‌وه شدا ڕیفۆرم بارێکى جیاوازى هه‌یه‌ له‌گه‌ڵ یه‌کسانى مرۆڤه‌کاندا. به‌ڵام (نان ، کار) ناوه ‌رۆکى بنه‌ڕه‌تى خۆى په‌یوه‌ندى یه‌کسانه‌ له‌نێوان مرۆڤایه‌تیدا. 

به‌ڵام له‌و په‌ره‌گرافه‌ى په‌یڤه‌کانى (ئه‌حمد معین)دا ئه‌وه ده‌رده‌که‌وێت که‌ پێکهاته‌و ناوه رۆکى داخوازىیه‌ ڕیفۆرمیستىیه‌کانه‌ و به‌په‌ره‌نسیپى خه‌باتى ڕۆژانه‌ى چینى کرێکار و له‌ ناوه رۆکى دروشمه‌که‌یدا ده‌یکاته‌ لایه‌نێکى گرنگى پلاتفۆڕم و ستراتیژى کارو خه‌بات. به‌ڵام ئه‌وان به‌هه‌ر نرخێک ئه‌وبنرخێنن ده‌ست نیشانى لێکدانه‌وه یه‌کى نادروستى یان ده‌کات. کارى گونجاو یان بیمه‌ى بێکارى له‌چ ئاستێکىدا ده‌توانێت ده‌ربڕى خواست و ئامانجى یه‌کسان و ژیانى تێرو ته‌سه‌لى تاک تاکى کۆمه‌ڵى عێراقى بێت! یان له‌هه‌ر شوێنێکى ترى گێتیدا. که‌کار وه ک پرۆسه‌ى به‌رهه‌مهێنانى چینایه‌تى پرۆسیس کرا، ئه‌وا نرخى له‌سه‌ر داده‌نرێت و ده‌فرۆشرێت و ده‌کڕێت. ئه‌م پرۆسه‌یه‌ش ته‌نها په‌یوه‌ندى و پێکهاتى کۆمه‌ڵگا سه‌رمایه‌دارىیه‌و ناتوانێت ژیانى یه‌کسانى بێت له‌نێوان مرۆڤه‌کانى ناو یه‌ک کۆمه‌ڵگاى چینایه‌تى. له‌به‌ر ئه‌وه‌ هه‌رچىیه‌کى بۆ لێک بدرێته‌وه‌ نه‌یتوانیوه‌ پێکهاتى بنه‌ڕه‌تى ئه‌و ده‌سته‌واژه‌یه‌ مه‌به‌سته‌که‌ى ڕوون بکاته‌وه‌.

هه‌روه‌ها چوونه‌ سه‌ر ئاستى کرێ به‌پێى چوونه‌سه‌رى نرخى که‌لوپه‌ل. گه‌لێک شتىترى له‌و بابه‌ته‌ ناتوانێت له‌ئاستى داخوازییه‌کى ڕۆژانه‌و ڕیفۆڕمیستانه‌ى داخوازىیه‌ ئابوورىیه‌کان هیچى تریان لـێ به‌ئه‌نجام بگات. چوونه‌ سه‌رى نرخه‌کان و پێوانى هێزى کار له‌ڕێگه‌ى نرخى سه‌رمایه‌دارىیانه‌ بۆ هێزى کار پرۆسه‌یه‌کى سیسته‌مى ڕامیارى و ئابوورى و کۆمه‌ڵایه‌تى چینایه‌تى چینى سه‌رمایه‌داره‌و، له‌به‌ر ئه‌وه‌ى په‌یوه‌ندى هێزى کارى به‌کرێ و هۆیه‌کانى به‌رهه‌مهێنان له‌ پرۆسه‌ى به‌رهه‌مهێنانى سه‌رمایه‌داریدایه‌. واتا به‌م پێودانگه‌ بێت ئه‌و پلاتفۆڕمه‌، پلاتفۆڕمێکى ڕیفۆرمیستىیه‌، به‌ڵام ئێمه‌ هه‌تا ئێستا نازانین له‌ پراکتیک و میتۆدى (ئه‌حمه‌د معین) و گروپه‌که‌یان، پلاتفۆڕمه ڕیفۆرمیستىیه‌یان ده‌بێت شۆڕشگێڕانه‌ بێت و ده‌ربڕى ئامانجى دوورى خه‌باتى و تێکۆشانى چینى کرێکار بێت، چوکه‌ هه‌وڵ و خه‌باتى ڕۆژانه‌ى چینى کرێکار له‌پێناوى به‌ده‌ست هێنانى کرێ یه‌کى زیاتر یان سه‌عات کارێکى که‌متر، بریتىیه‌ له‌ پرۆسه‌ى ژیانێکى نۆرماڵى ناو خه‌بات و تێکۆشانى ڕۆژانه‌ى ئه‌و چینه‌ له‌به‌رامبه‌ر سه‌رمایه‌داریدا. له‌به‌ر ئه‌وه‌ى ته‌نها ئه‌و خه‌باته‌ له‌ڕێگاى هێرشه‌ ڕۆژانه‌یىیه‌کانى چینى سه‌رمایه‌داره‌، و به‌رامبه‌ر به‌کرێکاران، کرێکاران ده‌ست ده‌ده‌نه‌ پرۆتستۆکردنى ڕه‌ووشێکى له‌و جۆره‌. ئیتر پلاتفۆرمێکى له‌و جۆره‌ى کارى گونجاو یان بیمه‌ى بێکارى ناتوانێت جێگاى پلاتفۆڕمێکى شۆڕشگێڕانه‌ بگرێته‌وه‌. وه‌ ئه‌و ده‌سته‌واژه‌یه‌ى که‌ بوو به‌ پێناسى ئه‌و پلاتفۆڕمه‌ له‌ دێر زه‌مانه‌وه‌ (مارکس) له‌ نووسینه‌کانى خۆیدا ئه‌و ئاوه‌زه‌ى خستووه‌ته‌ به‌ر نه‌شته‌رى ڕه‌خنه‌و پرۆتستۆکردنه‌وه‌. ئیتر ئێمه‌ له‌چ سه‌رده‌مێکدا بین، ده‌بێت ئه‌و پلاتفۆڕمه‌ ستراتیژى خه‌بات و تێکۆشان بنوێنێت له‌ به‌رامبه‌ر سه‌رمایه‌داریدا. یان پلاتفۆڕمى ڕۆژانه‌ پلاتفۆڕمى به‌رده‌وامى حیزب نىیه‌. به‌ڵکو به‌پێى کاتێکى دیاریکراو ڕه‌ووشێکى تایبه‌تى پلاتفۆڕمێکى تایبه‌تى به‌رز ده‌کاته‌وه‌. به‌ڵام له‌لاى بزووتنه‌وه‌ى بنیات نان، پلاتفۆڕمى ستراتیژو ئامانجى دووریان پلاتفۆڕمى ڕۆژانه‌یانه‌. له‌به‌ر ئه‌وه‌ى هه‌تا دواى جیابوونه‌وه‌ش له‌ (ک.ک) پلاتفۆڕمى (ئازادى، یه‌کسانى، حکومه‌تى کرێکارى) و دواى سه‌رده‌مێکى تریش ئه‌و پلاتفۆڕمه‌ به‌رده‌وامى هه‌یه‌ له‌ به‌رزکردنه‌وه‌و به‌ستراتیژ کردنى.

واته‌ به‌م پێ یه‌ هیچ گۆڕانکارىیه‌کى ڕیشه‌یى نىیه‌ له‌نێوان پلاتفۆڕمى پێشوو و پلاتفۆڕمى ئێستایاندا. له‌م سۆنگه‌یه‌وه‌و له‌لایه‌کى تره‌وه‌ پێناسى حکومه‌تى شورایى به‌م شێوه‌یه‌ ده‌کات: [ حکومه‌تى شورایش به‌هه‌مان خه‌سڵه‌ت و ناوه‌ڕۆکه‌وه‌، حکومه‌تى شورایى شکڵى باڵاى ئه‌و ئاڵ و گۆڕه‌ شۆڕشگێڕه‌یه‌ که‌ له‌ ئێستاداو له‌م قۆناغه‌ تایبه‌ته‌دا ئه‌بێ به‌سه‌ر تۆپى ئاڵوگۆڕه‌ سیاسىیه‌کان (ل5 –په‌یامى کۆمۆنیزم)- ژماره‌ (6) ئازارى –1999 ]. ئه‌م پێناسه‌یه‌ش هه‌مان پێناسى حکومه‌تى کرێکارى بۆ کراوه‌ که‌ (مه‌نسورى حیکمه‌ت) له‌ پلاتفۆڕمى (ئازادى، یه‌کسانى، حکومه‌تى کرێکارى) دا پێناس کردووه‌. له‌به‌ر ئه‌وه‌ ئه‌و پلاتفۆڕمه‌ ناتوانێت پلاتفۆڕمێکى شیاوى ناو ڕه‌ووشى ڕامیارى و ئابوورى و کۆمه‌ڵایه‌تى فرماسیۆنى ئێستاو ئاینده‌ى عێراق بێت. چونکه‌ پلاتفۆڕمه‌که‌ کراوه‌ به‌ فاکته‌رێک بۆ جێ به‌جێ کردنى پلاتفۆڕمێکى تر که‌ هه‌مان ناوه‌ڕۆکیان هه‌یه‌. واته‌ نه‌یتوانیوه‌ کارى ڕۆژانه‌ى خۆى له‌سه‌رده‌مى نایه‌کسانى چینایه‌تى و له‌ هه‌وڵ و خه‌باتیدا به‌یان و جێ به‌جێى بکات. که‌واتا پلاتفۆڕمه‌کان له‌ ناوه‌ڕۆکدا یه‌کسانن، ئیتر ئاڵووگۆڕ پێکردنى جێگاو شوێنه‌کانیان یان به‌ مورادیف کردنى ده‌سته‌واژه‌یه‌ک بۆ ده‌سته‌واژه‌یه‌کىتر یان ناوێک بۆ ناوێکى تر، نه‌یتوانیوه‌ جێگه‌ى کاریگه‌رى و هه‌وڵه‌کانییان له‌بارێکه‌وه‌ بگۆڕێت بۆ بارێکى تر، واتا ڕه‌ووشى ڕامیارى و ئامانجه‌کانیان یه‌ک ده‌ست و یه‌ک ئاسۆى کردووه‌و له‌گه‌ڵ ئاسۆى شکست خواردووى پێشووتر. به‌هه‌مان ناوه‌ڕۆک و به‌جێ گۆڕکێى کۆمه‌ڵێک ناو جێگه‌یان پێ ده‌گرێته‌وه‌. به‌ڵام ناتوانێت دڕ به‌ هه‌وڵه‌ شکست خواردووه‌که‌یان بدات و ئاسۆیه‌کى ڕۆشن و ده‌رگایه‌کى واڵاتر له‌به‌رده‌میاندا بخاته‌ سه‌رپشت. له‌به‌ر ئه‌وه‌ى پلاتفۆڕمه‌کان ده‌بێت جیاوازبن له‌گه‌ڵ پلاتفۆڕمى بۆرژوازى و وورده‌ بۆرژوازیدا. واتا ده‌بێت پلاتفۆڕمى کۆمۆنیسته‌کان، به‌ شێوه‌یه‌کى بنه‌ڕه‌تى دوور بێت له‌هه‌موو خواست و ئامانجێکى سه‌رمایه‌دارى. به‌ڵام ئه‌وان دڕدان به‌ خه‌باتى ناوازه‌ى پێشوویان نه‌کردووه‌. چونکه‌ پلاتفۆڕمه‌کانیان یه‌ک فۆڕمیان هه‌بووه‌.

بۆ سه‌لماندنى ئه‌و لێکدانه‌وانه‌ى ئێمه‌. (ئه‌حمه‌د معین) خۆى گه‌واهى له‌سه‌ر ده‌دات و به‌م شێوه‌یه‌ باس له‌ سه‌ر پلاتفۆڕمه‌که‌یان ده‌کات: [ هه‌روه‌ها ئێمه‌ ئه‌و شیعاره‌ وه‌کو ئاڵاى خه‌بات و داخوازى و ئامانجى کرێکاران و جه‌ماوه‌رى به‌رینى عێراق به‌رز ئه‌که‌ینه‌وه‌ چ له‌ به‌رامبه‌ر بارودۆخى پێش ڕووخاندنى ڕژێمى به‌عس و چ له‌ هه‌ر گفتوگۆیه‌کدا که‌ بێته‌ پێش و له‌ به‌رامبه‌ر هه‌ر به‌دیلێکى ترى سیاسیدا که‌ جێى ڕژێمى ئێستا بگرێته‌وه‌. (ل5 –په‌یامى کۆمۆنیزم)- ژماره‌ (6)-ئازارى 1999 ]. له‌م ڕوانگه‌یه‌وه‌ ئه‌و پلاتفۆڕمه‌ پلاتفۆڕمێکى ستراتیژىیه‌و هه‌وڵه‌کانیش له‌ پێناوى جێ به‌جێ کردنیاندایه‌، له‌ڕێگه‌ى دامه‌زراندنى سیسته‌مى ڕامیارى دواى ئه‌م سیسته‌مه‌. به‌م پێو دانگه‌ جارێکى تریش ناتوانین جیاوازىیه‌ک له‌نێوان پلاتفۆڕمى (ئازادى، یه‌کسانى، حکومه‌تى کرێکارى) و پلاتفۆڕمى (نان، کار، ئازادى، حکومه‌تى شورایى)دا بکه‌ین هه‌روه‌ها له‌لایه‌کى تریشه‌وه‌ جیاوازى نىیه‌ له‌نێوان حکومه‌تى کرێکارى و جمهورى سۆسیالیستى ئێستاى پلاتفۆڕمى (حککع)و (حککا) چونکه‌ له‌ پێناسى جمهورى سۆسیالیستىیاندا هه‌مان پێناس و یه‌کسانى ده‌که‌ن به‌ حکومه‌تى کرێکارى، له‌م سۆنگه‌یه‌وه‌ ناتوانرێت هه‌م ناوه‌ڕۆک و هه‌روه‌ها ناوه‌کانیش و به‌کارهێنانه‌کانیش و مرادیڤه‌کانیان لێک جودا بکرێته‌وه‌، چونکه‌ مورادیڤه‌کان ناوه‌ڕۆکى جیاوازىیان نىیه‌و هه‌روه‌ها پێناسێکى جیاوازیشى بۆ ناکرێت.

به‌ڵام له‌ ڕوانگه‌ى ئه‌و په‌ره‌گراڤه‌ى سه‌ره‌وه‌، ده‌رده‌که‌وێت که‌ ووته‌کانى پێشووتریان له‌سه‌ر لایه‌نه‌کانى ئه‌و پلاتفۆڕمه‌ ڕاستى ئه‌وه‌ ده‌رده‌خه‌ن که‌ جیاوازىیان له‌گه ڵ پلاتفۆڕمى ڕابردوو نىیه‌. چونکه‌ بووه‌ به‌ سه‌رچاوه‌ى ڕیفۆڕم و هه‌روه‌ها سه‌رچاوه‌ى ده‌سه‌ڵاتیشى له‌خۆ گرتووه‌ ئه‌مه‌ش ته‌نها لێکدانه‌وه‌و تێڕوانینێکى میتافیزیکى دوور له‌ دیفاکتۆى ڕه‌ووشى ڕامیارى و کۆمه‌ڵایه‌تى و ئابوورى ئێستایه‌و هه‌روه‌ها لێکدانه‌وه‌یه‌کى میتامێژوویىیه‌. له‌به‌ر ئه‌وه‌ ناتوانین ده‌ست به‌ دروشمێکى له‌و بابه‌ته‌وه‌ بگرین. چونکه‌ ناتوانێت ڕامیارى و ستراتیژى ڕۆشنى خه‌بات و تێکۆشانى چینایه‌تى بێت له‌پێناو دامه‌زراندنى سیسته‌مى چینایه‌تى چینى کرێکارو دیکتاتۆریه‌تىیه‌که‌ى و پرۆسیس کردنى ده‌سه‌ڵاتێکى دیموکراتیانه‌ى چینایه‌تى چینى کرێکار، له‌ پێناوى به‌ده‌ست هێنانى سیسته‌مى کۆمه‌ڵایه‌تى بێچین.

له‌م ڕوانگانه‌وه‌ پلاتفۆڕمه‌کان یه‌ک فۆڕمیان هه‌یه‌ جیاوازیش له‌نێوانیاندا نىیه‌. له‌به‌ر ئه‌وه‌ پلاتفۆڕمى شکست خواردوو به‌هه‌مان ناوه‌ڕۆکى شکسته‌وه‌ ناتوانێت دڕ به‌شکستى ڕابردوویان بدات. هه‌روه‌ها به‌ ده‌رخستنى جۆرى پلاتفۆڕمه‌کان به‌ڵگه‌ى ته‌نگژه‌و شکسته‌ ڕامیاریه‌کانیانه‌. له‌به‌ر ئه‌وه‌ ده‌بێت ئێمه‌ ئه‌و پلاتفۆڕمانه‌ بگۆڕین به‌ پلاتفۆڕمێک که‌ له‌گه‌ڵ ڕه‌وه‌ندى مێژوودا هه‌مان ئاراسته‌ بێت و ده‌ربڕى خواست و ئامانجى مێژوویمان بێت.

ئێمه‌ له‌م سه‌رده‌مه‌و سیسته‌مه‌دا پلاتفۆڕمى دیکتاتۆریه‌تى پرۆلیتاریا، به‌سه‌ر ترۆپکى هه‌موو پلاتفۆڕمه‌کان ده‌زانین و له‌گه‌ڵ ئه‌وه‌شدا هه‌ر ئه‌و پلاتفۆڕمه‌ ده‌توانێت ده‌ست نیشانى ئاڕاسته‌ى ڕاستى مێژوو بکات و هه‌وڵێک بێت له‌ پێناوى دامه‌زراندنى فرماسیۆنى کۆمه‌ڵایه‌تى بێ چین و بێ چه‌وسانه‌وه‌.

 

  • 1