ئەمە بڵاوبكەوە
FaceBook  Twitter  

 ئیدریس سدیق/ ئەنجوومەنی هەڵگرتنی پاشەکەوتی مووچە

لە دووەم ساڵیادی خۆپیشاندانە فراوانە جەماوەریەکەی کە ( ئەنجوومەنی هەڵگرتنی پاشەکەوتی مووچە ) بانگەشەی بۆ کردبوو  29 ساڵە ئێوەی دەسەڵات ، ئەو قوفڵە ژەنگاویەن کە دەرگای سەر ئاسۆی ئازادی و دیموکراسیتان کلۆمداوە ، بۆیە شکاندنی ئەرکێکی هەر تاکێکی دڵسۆزە ئەمڕۆ مێژوویەکی پڕشنگدار و گەشایەوەیە لە مێژووی خەباتی شاستانیانە و سەردەمیانەی دوای راپەڕین ، دەنگی ناڕازی و پەنگخواردووی خەڵکی زەحمەتکێش و نەدار و بەش مەینەت و کەساسی خەڵکی شارە خۆڕاگرەکەمانبوو لە فەرمانبەران و مووچە خۆرانی سەرجەم توێژەکانی کۆمەڵگە ، دژی ستەم و زۆر و نادادی چارەکە مووچە و زۆرە ملێی نا یاسایی پاشەکەوتی دەسەڵاتی دز و مافیای ئەنتی نیشتمانی ، دروشمی ( تا ستەمم لەسەرە / رێی خەباتم لە بەرە )بوو بە زریان ، بوو بە رەشەبا ، هەر چەندە ژمارەیەکی بێشوماری هێز لە ئامادەباشی دابوو ، دوور لە بەها مرۆڤیەکان و ئەتەکێتی مرۆڤدۆستی ، هەڵیان کوتایە سەر ئامادەبوان بە لێدان شاپ و شەقوەشاندن و قسەی نابەجێ و نا تەندروست و دەستگیرکرنی چەندین چاڵاکوان و زیندانیکردنیان و ڵێکۆڵینەوەیان لە گەلا کرا، دەسەڵاتی بە چۆکداهێنا و کەوتە لەرزین و ئەنجوومەنی وەزیران ناچارکرا گوێبدێرن بۆ داخوازی خەڵك . ئەوە ئەو راستیە دەسەڵمێنێ وەك راستیەکی نەشاراوە لە مێژوو کە کە قیادەی لێوەشاوە و لێهاتوو و بە ئەزموون هەمیشە جێگای متمانە و باوەڕی خەڵکە و دۆزەکە بەرەو سەرکەوتندەبا .    دەسەڵات دڵنیا دەکەینەوە کە قووتی خەڵك هێڵی سوورە و تا تەواوی مافەکان دەستەبەرنەکرێ بە پێوەین و لە خەباتی مەدەنیانە بەردەوام دەبین . 

 نەفرەت لە ئەندازیارانی پاشەکەوتی مووچە .

نەفرەت لە دەسەڵاتی نا نیشتمانی .

سەرکەوتن بۆ ئیرادەی گەلە .

 

  • 1