ئەمە بڵاوبكەوە
FaceBook  Twitter  

حزبی شیوعی گەر کافرش بین زیانمان بۆ ئایین نیە و ڕێز لەهەموو بیروو باوەڕێکی ئاینی دەگرین لە چوارچێوەی ئازادی بیرووباوەڕوو عەقیدە ،

قەت شیوعیەکان ڕێگا بەخۆیان نادەن سووکایەتی بە هیچ ئاینێک بکەن چونکە لە ئەخلاق و پەروەردەیاندا مرۆڤ (بەنرحترین سەرمایەیە) و شایای ڕێزە نەک سووکایەتی یان بەزەیی ،

ئێمە حزبێکی دنیایین و کار بۆ چەسپاندنی مافەکانی مرۆڤ و عەدالەتی کۆمەڵایەتی دەکەین ،

مرۆڤ و شکۆی مرۆڤ بنەمای کاری سیاسی و حزبیمانە ، هەرگیز ئامەدەنین سازش لەسەر بنەما مرۆییەکانمان بکەین ...

لە سیاسەتدا دۆستایەتی و دوژمنایەتی تاسەر نیە ، بگرە بەرژەوەندیەکان جێگیرن و باقیەکەی ڕاگوزەرین ، 

خۆ ئەگەر هاتوو بەرژەوەندیەکان لە بەرژەوەندی گشتیەوە گۆڕا بۆ بەرژەوەندی کەسی و گروپ ، ئەوا لەسیاسەت تێ دەپەڕێ و هەرچیەک بێ سیاسەت نیە ..

دیارە پارێزگاری دهۆک ، بێ ئاگا لەوەی کە قەوانی کافر کردن و بێ دین کردن و نوێژنەکردن ، 

قەوانێکی کۆنی سواوەو کەس گوێی لێ ناگرێ دیسان هانای بۆ بردۆتەوە بەو ئامانجەی خەبات و تێکۆشانی شیوعیەکان لای کۆمەڵانی خەڵکی کوردستان ئاوەژوو بکات ، کە ئەمە کارێکی مەحاڵە ...!

هەر چەندە من ئەم کاربەدەستەی حکومەت باش ناناسم بەڵام بەپێی ئەم وتەیەی ،هەست دەکەم یەک دێڕی لە مارکسیزم نەخوێندۆتەوەو لە ئاینیش هیچ شارەزاییەکی نیە ، 

چونکە پیاوی ئاینی ئاین بەکارناهێنێ بۆ ئامانجی تایبەتی ...!

سەیردەکەی شپرزەییەکی زۆر بە قسەکانیەوە دیارە ، 

دەڵێ دەستی یەککرتوو یەکێتی و شیوعی و .....تاد ، لەپشتەو کادرەکانیان و پەرلەمانتاریان بەشداری کردوە ....!

ئەزیزم مەگەر تۆ نازانی یان خۆت نادیدە دەگری کە ئیشی ئەو هێزانە بەتایبەتی ئەوانەی معارەزەن ئەوەیە لەگەڵ خەڵک بچنە شەقام و فشار دروست بکەن لەسەر حکومەت بۆ جێ بەجێ کردنی داخوازیەکانی چین و توێژەکان ؟؟

بەڕای بەڕێزت بێ ، ئەوەی ئەندام و کادری لایەنێکی سیاسی بێ نابێ بەشداری ڕێپێوان و داخوازیەکانی خەڵک بکات..؟

بەگشتی من کارەکە بەئاسایی وەردەگرم چونکە قەت نەبووە دەسەڵات ئافەرین بۆ معارەزە بکات مەگەر حاڵات نەبێ ، ئەم پیاوەش وەک کەسێکی کاربەدەستی حکومەت بیانوو بۆ شکستەکانی حکومەت دێنێتەوە لە مەجالی ئابووری و کەرتی نەوت و ژیانی هاوڵاتیان و ......تاد،

حەق وایە ئەوەندەش دیمووکرات بێ حەقیش بە حزبەکان و خەڵکی مافخوراو بدات کە بڵێن ئەرێ حکومەت کەی ئەو مافەمان بۆ دەگێڕنەوە ...!؟

تۆ بە گردبوونەوەیەکی هێمنانە بڵێی دەستی تێکدەر ئیتر چۆن باس لە دیموکراتیەت و مافی مرۆڤ و ئەم شتانە بکەین لەم هەرێمەدا..؟!

حکومەتی هەرێمی کوردستان قەرزاری میلەتە ، میلەتیش زۆر بەدڵسۆزی ڕەچاوی وەزعەکەی کردووە و دەیەوێ یارمەتی بدات ، 

بڵام بەداخەوە وڵامەکان بەپێی پێویست و شایستە بەو خەڵک و حزبانە نین ...!

شیوعیەکان هەردەم بۆ گەیشتن بە ئامانجە نیشتیمانیەکان مارکسیزم ڕێبازیان بووە ، بڵام ئامانج چەندە پیرۆز بوبێ ڕێگای نا لۆژیکی ناگرنە بەر ....!

خەڵکانێک هەن بۆ گەیشتن بە ئامانج پرەنسیپی (میکاڤلی) دەگرنەبەر ، گەیشتن بە ئامانج بەهەر ڕێگایەک بێ 

(الغایة تبرر الوسیله) ٠٠٠︎!

کافر کردن ، کاتێ لە نیقاشێکی فکری دا ، پێمان بڵێن کافر قسەی ترمان دەبێ و من بەش بەحاڵی خۆم زۆر ئاسایی وەری دەگرم ،

بەڵام بۆ لێدانی پێگەی جەماوەری حزب و مەبەستی سیاسی بێ ، ئەمە وڵامێکی تری دەوێ ،

وەک ئەوەی بڵێین ئەگەر شیوعیەکان کافریش بن بەڵام (منافق ) نین ....!

حزبی شیوعی کوردستان ،

لەپێناو یەکخستنی خەباتی نیشتیمانی چینایەتیدا ، دووپاتی پڕۆسەی چاکسازی دارایی و کارگێڕی کە بنەمای یەکڕیزی جەماوەری و هێزە سیاسیەکانی کوردستان دەکاتەوە و ناکرێت کەمتەرخەمی لەم پرۆسەیەدا بکرێت ، 

چونکە هەر کەمتەرخەمیەک لەم بوارەدا بە زیانی گەل و نیشتیمانی کوردستان کۆتایی پێ دێ ....!

بژی خەباتی مەدەنی چین و توێژەکانی کوردستان .

بژی سۆشیالیزم ،

بەختیار کەریم

  • 1