هێشتان ئامادە نیم
دواتر وەرەوە و
لەدەرگای دڵی ژەنگاویم
کەس ناپەڕێتەوە..
جەستەم لەژێر باری سۆزنەداران ڕاهاتووە
هەستی نوێم لە ساتە وەختێکدا
ڕۆژی شکاندووە
دەمارگیری دڵ تەنگیمە
ڕوحم گیرۆدەی بووە
من خۆرێکی سوتاوم
سێبەری فێنکم لێ داخ بووە
دواتر وەرەوە
تا دەبارێت بارانی ڕەحمەت
خۆێ دەشواتەوە ،
خۆڵ فێنک دەکات و
چەتر بەدەستان شاد دەبنەوە
دەنکە باران کۆدەکەنەوە
من خێراتر لە ئاساییدا
بەدوای خۆمدا ڕادەکەم
شەمعی دەستم ئەمشەو
پەنجەی شایدمانی ئێشقی لێم سوتاندوە
ڕێم لێ گوم کردووە
ئەو ناوانەی هەڵمبژاردوون
هەمویم لێ ون بووە
تاریکە سەڵایە ،
نایدۆزمەوە
وەک گوڵێکی هەتیوو
لە سەر پردی سیڕات
منیان جێهێشتوە