ئیلهام موڕادی
وەکو حەسرەتێکم لە قۆرووی گڕێکا
کە بۆ مانگ دەلووڕێنێ
لە وجوودی گوڵێکا
بۆ پەیکری خوداوەند نە کڕنۆش
نە کڕنووش بۆ کێلێک ئەبەم
کە ناڵەی حەزێکی ناکامە
کە کەوتنێکە لەسەر جەستەی هەڵسانەوە
خەون ئەسەر للەسەر کەشافەی خوێن
سەرپۆشێکی شلم لەسەر ئافرەتێکی ڕوو بە با
خەیاڵێکم لەدامێنی بۆن
ئاواتەکانم لە ئەنجامی ئەزموونێکی تاڵ
خۆیان بەتاڵ کردەوە
لەسەر پێخەفی ژوورەکەم
ڕووناکی
بێ گومان ژیان بۆ تاقیکردنەوم هەوڵدەدا
کەچی من هەر لەسەرتاوە سەرقاڵم
لە ئاسمانی منا هەمووشتێک گومان.
هەورامانی تەخت
ئیلهام مورادی