سبەی

شیعری: ئیبراهیم هەورامانی

27\1\2024

هەڵەبجە

سبەی،

ماڵ دەبەمە شەقام و

بەدووتا،

دەگەڕێم.

دەغڵی دزراوو.

مافی خوراوو.

سبەی،

پڕ بە گەروورم،

هاوار دەكەم.

دەتانەوێ،برسیم بكەن.

بەبێ لانەو

بێ ڕێ و بێ جێم بكەن.

سبەی

سبەی

دەچمە شەقام

هاوار دەكەم،

ئێوە لەكوێن

ئەمن لێرەم.

سبەی،

خۆر،

تەنیا لەشەقامەوە هەڵدێ،

نەك لەهیچ جێ.

ئەتانەوێ،

شەوتان ڕوون و

ڕۆژتان پڕ ڕوناكی بێ.

سبەی

وەرنە شەقام،

خۆر لەشەقامەوە هەڵدێ