پاش ئەو كێشانەی كە رووبەرووی ئەستێرە بەرازیلیەكە بووەتەوە لە یاریگاكانی ئیسپانیا كە بووەتە هۆی دابەزینی ئاستی لە یارییەكاندا ، كاپتنی یانەی ریاڵ مەدرید لە لێدوانێكدا كە ڕۆژنامەی دەیلی مەیلی بەریتانی بڵاویكردەوە دەڵێت لە دوای هاتنی بۆ مەدرید لەگەڵ ڤینیسیۆس زۆر قسەیان كردووە.
لە درێژەی قسەكانیدا وتی: ڤینیسیۆس ئەو جۆرە یاریزانەیە كە یانەی بەرامبەر هەست بە شەرمەزاری دەكات بە لەبەرچاوگرتنی شێوازی یاریكردنی چونكە هەمیشە ڕووبەڕوو دەبێتەوە و زیان بە بەرامبەرەكەی دەگەیەنێت.
كاپتنەكەی مێرێنگی وتیشی: قسەیان لەگەڵ كرد بۆ ئەوەی ئارام بێت، داوایان لێكردووە سەرنجی لەسەر یاریكردن بێت چونكە ئەوە گرنگترین شتە ، گرنگی بە بڕیارەكانی ناوبژیوان و قسەی هاندەران نەدات.
ئەمەش لە كاتێكدایە لە چەند رۆژی رابردوو كارلۆس پویۆلی كاپتنی پێشووی یانەی بەرشەلۆنە وتبووی: دەیەوێت وەك هاوكارێك لە وەرزشی تۆپی پێدا لەگەڵ ڤینیسیۆس قسە بكات، چونكە ڤینیسیۆس یاریزانێكی گەورەیە دەتوانێت جیاوازی دروست بكات و دەبێت لە هەموو یاریگاكاندا ڕێزی لێبگیرێت، ئەگەر ڕەفتاری خۆی بگۆڕێت ئەوا پێزانینی زیاتر بەدەست دەهێنێت.