جیهان بە دەنگدان ناگۆڕێت
بەوانە دەگۆڕێت کە ئاڵایەک بەدەستیانەوەیە و
خۆیان دەکەن بە قوربانی
....
هاوڕێیان، هەنگاو بنێن، با بەڕێکەوین
وشەکان بەتەنیا بەس نین
دەبێ جیهان بگۆڕین
پەرلەمان و سندوقی دەنگدان
بووکەڵەی دەستی بەچکە بۆرژوازەکانن
....
تەپڵی شۆڕش لێدەن
نە وتارمان دەوێت
نە دەنگدان
شەقامەکان بەڵێ و نەخێرەکانمان دەهەژێنن
.....
شاعیرەکان، چڵە گەڵاکانتان بشکێنن
بەسە ئیتر، کەم خزمەتی زەلکاوی هونەرە جوانەکان بکەن
بکەونەڕێ، بچنە ڕیزی کرێکارانەوە
شەقامەکان خامە و کانڤاسی ئێمەن
گۆڕەپانەکانیش شانۆمان
تێکستی/ ڤلادیمێر مایاکۆڤسکی
کوردییەکەی/ ئەرسەلان ئەفراسیاو