پاشماوەی ئاتەشگایەکی ڕووخاو
ئەگەر هاتی و من لێرە نەبووم
لە بیابانی عەرعەر بۆم بگەڕێ
من لەوێ
لەژێر کەڵبەی لمی بیابان و تۆزی پۆستاڵی تەعریبدام
ئەگەرهاتی و ئێره بۆنی ئەنفال و خوێن و خەردەل و بێنازی لێدەهات
سەیرێکی لاپەڕە دڕاوەکانی ئاڤێستا و فرمێسکی گاتاکان بکە
من لەناو پاشماوەی ئاتەشگایەکی ڕووخاوی زەردەشتدام،
بۆ شازدەی سێ
لەگەڵ پیری مۆغان
خەریکی خوێندنەوەی یەسناکان و نـــزام