ئازاری بەشی خوارەوەی پشت یەکێکە لە بڵاوترین کێشە تەندروستییەکان کە کاریگەری ڕاستەوخۆ دەخاتە سەر بڕبڕەکان و ناوچەی کەمەر. ئەم ئازارە زۆربەی کات لە ئەنجامی ماندووبوونی زۆری ماسولکەکان یان کێشەکانی دیسک و جومگەوە سەر هەڵدەدات.
نیشانەکان و پەرەسەندنی ئازاربەپێی ڕاپۆرتێکی ماڵپەڕی "clevelandclinic"ی پزیشکی، نیشانەکانی ئەم حاڵەتە جیاوازن؛ ڕەنگە تەنها ئازارێکی کەم بێت یان بگۆڕێت بۆ ئازارێکی توند کە بەرەو قاچەکان شۆڕ ببێتەوە. زۆرجار ئەم حاڵەتە سڕبوون و گرژبوونی توندی ماسولکەکانی لەگەڵدایە، کە دەبێتە هۆی پەکخستنی چالاکییە ڕۆژانەکان.
سەرەکیترین هۆکارەکانی ئازاری پشت:١. هەڵگرتنی کەلوپەلی قورس بە شێوازێکی نادروست.
٢. زیادبوونی کێشی جەستە و قەڵەوی.
٣. لاوازیی ماسولکەکانی سک کە پەستان دەخەنە سەر بڕبڕەکان.
٤. هۆکارە پەیوەندیدارەکان بە تەمەن، وەک داخورانی جومگەکان و تەسکبوونەوەی کەناڵی بڕبڕەی پشت.
ڕێگاکانی چارەسەر:پزیشکان لە قۆناغی یەکەمدا پەنا دەبەنە بەر:
پشوودانی کورتخایەن و بەکارهێنانی دەرمانی ئازارشکێن.
ئەنجامدانی چارەسەری سروشتی (Physiotherapy) بۆ بەهێزکردنی ماسولکەکان.
لە حاڵەتە توندەکاندا، ڕەنگە پێویست بە بەکارهێنانی دەرزی تایبەت یان دەستێوەردانی نەشتەرگەری بکات بۆ چاککردنەوەی دیسکەکان.
کەی پێویستە دەستبەجێ سەردانی پزیشک بکرێت؟پسپۆڕان هۆشداری دەدەن کە لە کاتی دەرکەوتنی ئەم نیشانانەدا نابێت کات بەفیڕۆ بدرێت و پێویستە سەردانی فریاکەوتن بکرێت:
هەستکردن بە بێهێزیی لە ڕادەبەدەری قاچەکان.لەدەستدانی کۆنترۆڵی میز و پاشەڕۆ.
خۆپاراستن باشترە لە چارەسەر:بۆ دوورکەوتنەوە لە دووبارەبوونەوەی ئەم کێشەیە، پزیشکان ئامۆژگاری هاووڵاتییان دەکەن کە کێشی جەستەیان بە تەندروستی بهێڵنەوە و بەردەوام بن لە ئەنجامدانی وەرزشی گونجاو بۆ پاراستنی هێزی بڕبڕەی پشتیان.