رێگای كوردستان
بۆ یهكهمین جار، ئهنجومهنی ئاسایشی نێودهوڵهتی دۆسیهی ژیریی دهستكردی وهك پرسێكی ههستیاری پهیوهست به ئاسایشی نێودهوڵهتی تاوتوێ كرد. سهرۆكی گهوره كۆمپانیاكانی تهكنهلۆژیا و شارهزایان هۆشداریان دا له لهدهستدانی كۆنتڕۆڵ بهسهر ئهم سیستهمانهدا و پێویستی به دانانی سنووری یاسایی توند دوپاتكردهوه.
خاڵه سهرهكییهكانی ههواڵهكه
• سهربهخۆیی سیستهمهكان: كۆمپیوتهره زیرهكهكان ڕۆژ به ڕۆژ سهربهخۆیی زیاتر بهدهستدههێنن و توانای دروستكردنی نهوهكانی داهاتووی خۆیان بێ دهستێوهردانی مرۆڤ ههیه.
• خێرایی گهشهسهندن: خێرایی گۆڕانكارییهكان زۆر له توانا و یاساكانی كۆمهڵگهی مرۆڤایهتی خێراتره، به جۆرێك دهرفهتی وهستاندنی له كاتی ههڵهدا ناهێڵێتهوه.
• نهبوونی پهیماننامه: تا ئێستا هیچ پهیماننامهیهكی نێودهوڵهتیی پابهندكهر نییه بۆ ڕێگریكردن له پهرهپێدانی چهكی سهربهخۆ و سیستهمه لهخۆباییهكان.
لێدوان و ههڵوێستی كهسایهتییه جیهانییهكان
"سیستهمهكانی ژیریی دهستكرد خهریكه دهبنه خاوهنی دهسهڵاتێكی لهڕادهبهدهر مهترسییهكه لهوهدایه كه ههمو شتێك به خێراییهكی بێوێنه ڕوودهدات." — سام ئاڵتمان، سهرۆكی جێبهجێكاری OpenAI
"پهرهسهندنی بێسهروبهری ئهم تهكنهلۆژیایه ههڕهشهیهكی بونگهراییه بۆ سهر مرۆڤایهتی. — فۆلكهر تورك، كۆمیسیاری باڵای مافهكانی مرۆڤ له نهتهوه یهكگرتوهكان
"لهدهستدانی كۆنتڕۆڵ بهسهر بونهوهرێكدا كه له خۆمان زاناتر و بلیمهتتر بێت، سهرئهنجامهكهی لهناوچونی مرۆڤایهتی دهبێت." — جێفری هینتۆن، دامهزرێنهری ژیریی دهستكرد و براوهی خهڵاتی نۆبڵ
"كاتێك بهرهو لێواری دۆڵێك ڕادهكهیت، نابێت تهنیا پێ لهسهر بهنزین شل بكهیتهوه، بهڵكو دهبێت به ههمو هێزتهوه ئیستۆپ بگریت." — بیرنی ساندهرز، سیناتۆری ئهمریكی