ئا : عەباس داوودی
رۆژانە لە ژیانماندا لەملاو ئەولا دیدارامان بۆ دروست دەبێت، بەڵام کەمیان بە تام و بۆن، چێژێکی لە بیرنەچوو لە زاکیرەماندا جێگە دەگرێت ، چونکە لەوانە هەیە بۆ بەرژەوەندی رۆژانە دێتە کایەوە، کە بەرژەوەندییەکە پســـا ، ئیدی هەموو شتێک کۆتایی دێت ، بە پێچەوانەوە ، دیداری تر هەن بە تایبەت لە بواری رۆشنفکری، وێژەیی دەبێتە خاڵێکی مێژوویی، پڕ بە بەهـــا بۆ هەتا .. هەتایە و بە پرشگنداری دەمێنێتەوەو دەبێتە بەشێک لە شانازییەکانی بیرەوەریمان .
ناخوازم پتر لەم بارەیەوە درێژ دادڕی بکەم، لێرەدا ئەوەندە بەسە بێــژم : شێوەکار و لێکۆڵەری بە توانا مامۆستا نورەدین جـــاف چەندە ئەو دیدارەی لە نێوانماندا ساز بوو، کردۆتە چ تابلۆیەکی هونەری و ئەدەبی رەنگین ، ئەمەش دەقەکەیەتی ، کە درەنگانی دوێنی شەو بۆی ناردم، وەکو وەفادارییەک بۆ ئەو ژوانەی لە نێواناندا چێ بوو لە یەکێک قاوەخانەکانی شاری هەولێر:
دیداری دوو خەیاڵ؛ ئاڵوگۆڕی وشە و بەرهەم نورەدین جاف و عباس داوودی؛ دوو هاوبیر لە یەک دیداردا.
رۆژی هەینــی 14/ 8/ 2026 لەرۆژەگەرمەکانی مانگی گەلاوێژ(ئاب) لە شاری هەولێــر
دیدارێکی دۆستانە و پڕ لە مانا لەنێوان دوو هاوبیر و دوو کەسایەتیی هونەری و ئەدەبی، رێـــز و خۆشەویستی دوور لە بەرژەوەندی بەڕێوەچوو؛ نورەدین جاف، نووسەر و شرۆڤەکاروهونەرمەندێکی شێوەکار، و عباس داوودی، شاعیر و نووسەروئەدیب
ئەم دیدارە تەنها دیداری دوو هاوڕێ نەبوو، بەڵکوو پەیوەندییەکی جوان بوو لەنێوان وشە و ڕەنگ، بیر و هەست، نووسین و هونەر. دوو هاوبیر، لە ژینگەیەکی هاوبەشدا، بە قسە و گفتوگۆ و یادەوەرییەکان، دەرگایەکی نوێیان بۆ جیهانی ئەدەب و هونەر کردەوە.
لە جوانترین ساتەکانی دیدارەکەدا، هەر یەکێکیان بەرهەم و کتێبەکانی خۆی پێشکەشی ئەوی تری کرد. ئەم ئاڵوگۆڕە تەنها گۆڕینی کتێب نەبوو؛ ئاڵوگۆڕی بیر، ئەزموون و یادەوەری بوو هونەر کاتێک زیندوو دەبێت کە بەشدار بکرێت، و ئەدەب کاتێک بەهاکەی زیاتر دەردەکەوێت کە لەگەڵ کەسانی تر هاوبەش بکرێت. ئەمەش گرنگترین پەیامی ئەم دیدارە بوو لەو دیدارەدا، هەر یەکێکیان بە شێوەیەکی جوان بەرهەم و دەستکەوتە ئەدەبی و هونەرییەکانی خۆی پێشکەشی ئەوی تری کرد. کتێب و بەرهەم لێرەدا تەنها شتێکی ماددی نەبوون؛ بەڵکوو بەشێک بوون لە ژیان، بیرەوەری، ئەزموون و جیهانی ناوخۆی هەر یەکێک لەوان.
ئەوەی ئەم دیدارە جوانتر دەکات، ئەوەیە کە هەر یەکێکیان بەرهەمی خۆی بە دیاری پێشکەشی هاوڕێکەی کرد؛ چونکە کتێب لە دەستی نووسەرەوە کاتێک دەگاتە دەستی خوێنەر و هاوڕێ، دەبێتە پەیامێکی خۆشەویستی و ڕێزگرتن.
نورەدین جاف، لە جیهانی شێوەکاری و نووسین و شرۆڤەکاریدا بە ڕەنگ و هێڵ و وشە دەدوێت؛ لە بەرامبەریشدا مامۆستا عباس داوودی بە وشە و بیر و هەست، جیهانی تایبەتی خۆی دەخوێنێتەوە و دەنووسێت. ئەم دوو جیهانە لە دیداری ئەمڕۆدا بەیەک گەیشتن و بوونە دوو ڕووخساری جۆراوجۆری هەمان خۆشەویستی: خۆشەویستیی ئەدەب و هونەر.
ئەو دیدارە هەروەها یادمان دەخاتەوە کە هونەرمەند و نووسەر، هەرچەندە ئامرازەکانی جیاوازن، بەڵام لە کۆتاییدا بۆ یەک ئامانج هەنگاو دەنێن: گەیاندنی مرۆڤ، هەست، بیر و جوانی بە کۆمەڵگا.
دیداری دوو هاوبیر لە هەینییەکی خۆشدا، لەگەڵ ئاڵوگۆڕکردنی بەرهەم و کتێب، بوو بە ساتێکی خۆش و بەهادار؛ ساتێک کە لە تێیدا هاوڕێیەتی و هونەر و ئەدەب دەستیان بە یەک گرت.
بێگومان، ئەو کتێبانەی ئەمڕۆ دەستیان بەیەک گەیاند، تەنها کتێب نین؛ یادگارییەکانی دیدارێکن کە تێیدا دوو هاوبیر، بە زمانی هونەر و وشە، ڕێزیان بۆ یەکتری و بۆ بەرهەمی یەکتری دەربڕی.
کاتێک شاعیر و نووسەر لەگەڵ شێوەکار و نووسەرێک دادەنیشن، وشە دەبێتە ڕەنگ و ڕەنگ دەبێتە وشە؛ و هاوڕێیەتی دەبێتە جوانترین تابلۆی ئەو دیدارە.
نورەدین جاف ـ عباس داوودی دوو هاوڕێ، دوو هاوبیر، دوو ڕێگای جیاواز؛ بەڵام یەک دڵ بۆ ئەدەب و هونەر.
*مامۆستاعباس داوودی شاعیرونووسەروئەدیب
خاوەنی چەند بەرهەمێکی دیارەوچاپ کراوە جگە لەو شیعروووتارانەی لەگۆڤارورۆژنامەکان بڵاووکراوەتەوەوبەردەوام دەنووسێ بەرهەمەکان.