بەشی(١٩)
ئامـادەنیـم نـازی کــەر بکێشم
سەیران:یەکێ دەڵێ ژن بەخواری لە پەراسووی پیاو دروست بوو. یەکێتر دەڵێ نەوڵڵا لە گوونی دروست بووە.
ڕێزان:یەکێتر دەمان هێنێتە ئاستی ئاژەڵ و دەڵێ ژن و سەگ و کەر، نوێژی پیاو بەتاڵ دەکەنەوە.
بێخاڵ:دانەیەتر دەڵێت:تڕ و فس و ژن، دەستنوێژی پیاو بەتاڵ دەکەنەوە.
سەیران:هاوڕێیان، بیرمە زستان بوو، دایکم دەستی بەردەستی باوکم کەوت، باوکە کەرباوکەکەم یەک دنیا جوێنی پێ دا.
ڕێزان:بۆچی؟
سەیران:گوتی هەی داکت بگێم، دەستنوێژەکەت شکاندم. کیژی قەحپەی، دەڵێیت سەرخۆشیت؟ ماکەری تەڕەس باب، ئاگات لەخۆت نییە؟ جا وەرە باوکی نەگێ.
دووبارە دەبێ بڕۆم لە قوزی داکی بنێم و بەو بەفر و کڕێوەی دەستنوێژ بشۆرمەوە.
بێخاڵ:هەموویان کەرن.
ڕێزان:یەکێکیتر دەڵێت: ژن خەریکی کولێرە پێوەدانیش بوو، پیاوەکەی زەوقی هەڵسا و کێری ڕەق بوو، دەبێت بۆی بەرزبکاتەوە!
سەیران:چی بەرزبکاتەوە؟
بێخاڵ:ڕانەکانی
ڕێزان:هاهاها
سەیران:یەکێکیتر دەڵێت هەر ژنێک شەو دڵی پیاوەکەی بشکێنێت و گان نەدات پێی، ئەوە تابەیانی فریشتەکان نەفرەتی لێ دەکەن و پێی دەڵێن:دەک عەمرت نەمێنێت، کچەتیوی چلمن، باشە لۆ قلەکت نەدا پێی؟
بێخاڵ:یەکێکیتر دەڵێت: ژنان نیوە ئەقڵ و نیوە میراتن، و بە دووانیان بەرامبەرشاهیدی پیاوێکن.
ڕێزان:یەکێتر دەڵێت:ژن کێر و کێم و ئادابی پیاوەکەی بلستەوە، هێشتا مافی نەداوە.
سەیران:یەکێکیتر دەڵێت:ئافرەت لە عەورەتەوە هاتووە و هەمان شێوەی کوسی، هەموو لەشی عەورەتە.
بێخاڵ:یەکێکیتر دەڵێت:زۆربەی ئەهلی دۆزەخ، ژنانن و ژنەکان لەوێ کێم و ئاداب لە کوسیان دێتە دەر و بە مەمکەوە هەڵدەواسرێن.
ڕێزان:دانەیەکیتر دەڵێت:ژنان سەری هەموو ئاژاوەیەکن!
سەیران: یەکێتر دەڵێت: ژنان ئارەزووی پیاو دەجووڵێنن.
بێخاڵ:ژن هیچ بەهایەکی نییە لای ئەمانە
ڕێزان:پیاوان لێرە دەبێت تۆی نێرسالاری لە ناوگون و مێشک و تێڕوانیان بخەسێندرێت.
سەیران: تا دەگەڕێنەوە سەر سکەی مرۆڤ بوون و لە ژنێتی بوونی ژن و لە پیرۆزی ژن و چەمکی یەکسانی جێندەری تێدەگەن.
بێخاڵ:هاوڕێیان، کتێبێک هەیە بەناوی(کوشتنی پیاوێتی)، پێویستە هەموو پیاوێک، بەزۆر ناچاربکرێت، تا بیخوێنێتەوە.
ڕێزان: ئەوانەی خوێندەواریشیان نییە، دەبێت بڕۆن و لەڕێگای سەمینار و کوڕەوە گوێی بۆ بگرن.
سەیران:پیاوەکان هێندە لە مرۆڤ بوون دوورخراونەتەوە و لەخۆیان نامۆ و نەزان و سەرگەردان کراون،
بێخاڵ:دەبێت جارێکیتر هەموو فێری ئەلفبێی ژنۆلۆژی و واتای ئازادی بکرێن و ئاشنای مرۆڤ بوونەوە بکرێنەوە.
ڕێزان: هەزاران ساڵە، هەرچی مەزهەب و خێڵ و خەنجەر و ئایدیۆلۆژیا هەیه، کار لەسەر کوشتنی هەستی یەکسانی ناخی مرۆڤ و خەفەکردنی دەنگی ویژدانی مرۆڤ دەکەن.
سەیران:هەزاران ساڵە، لە ژن بوونی ژن دەدرێت و ژن دەکوژرێت و ژنایەتی ژن دەدزرێت و کەرامەتی ژن ئەتکدەرێت.
بێخاڵ:دەبێ دووبار ڕەوڕەوەی مێژووی مرۆڤایەتی بهینینەوە بۆ کۆمەڵگەی سەردەمی "نیۆلتیک" کۆمەڵگەی دایکانە.
ڕێزان:دەبێ بتەکانی نێرسالاری تێک و پێک بشکێنین و بە یاخی بوون لەبەردەم دێوەزمەی نێرسالاری و هەڵکشانی ئەقڵییەتی باوکسالاری بووەستینەوە و بیخەینە ژێر پێڵاوەکانمان.
سەیران:من ئامادەنیم نازی کەربکێشم و کیسەڵانە و ڕۆمانتیکیانە مامەڵەی خێڵ بکەم.
بێخاڵ:ئێمە لەو کەریمۆکستانە، بیری باوکسالاریی لە هەموو چیرۆکەکانماندا هەیە.
ڕێزان:ئەقڵییەتی نێرسالاری زۆر بە قووڵی ڕۆچووەتە نێو دەمار و خوێنی هەموو پیاوێکی کوردەوە.
سەیران: هەزار ساڵیتر بە شێنەیی کارکردن و هەنگاو هاوێشتن بۆ گۆڕینی ئەو ئەقڵییەتەی نێرسالای و کوشتنی ئەو تیۆری پیاوێتییەی ناو مێشک و کەللەی پیاو، لەناو ناچێت.
بێخاڵ:دەبێت بە یاخی بوون و تف و کوتەک، بە شۆڕش و نەفرەت، بە ڕووبەڕووبوونەوە و کودەتا، بیگۆڕین.
ڕێزان: نەک هەنگاونانێکی حیزانە و ترسنۆکانە و بە پێی فەلسەفەی کیسەڵی تڕکەن.
سەیران:کچینە، ئێوە دەزانن کە ئەو پیاوە نێرسالارانە، هەریەکە و هەزار ئەژدیهای لەناخدا هەڵگرتووە بۆ لۆشدانی خەونەکانی ژن و لەناوبردنی ئاواتەکانی ژن؟
بێخاڵ:لێره هەمووی دژی ژن و مافەکانی ژنە. هەمووی بەسەر ئازادی و خواستەکانی ژندا دەڕشێتەوە.
ڕێزان:یاخیبوون، بەڵێ، پێویستە لە بەرانبەر باوکسالاری یاخی بین.