ـڕۆژی یـەك شـەممە ڕێکەوتی ٢٠٢٥/٨/٣ لە ڕێوڕەسمێکی تایبەت دا لە گوندی بـۆگـدی سـەربڵـنـدی ناحیەی ئـاشـتی قەزای کۆیە، بە ئامادەبوونی هاوڕێیانی کۆمیەی ڕێکخستنی کۆیەی حزبی شیوعی کوردستان و کۆمەڵەی پێشمەرگە دێرینەکانی حزبی شیوعی کوردستان لقی کۆیەو ژمارەیەك لە هاوڵاتیانی گوندی بۆگد و کەس و کاری شەهید شەپۆل ڕێکخراو( پێشمەرگە دێرینەکانی حزبی شیوعی عێراق)، وەك وەفاداریەك هەڵسان نوێ کردنەوەو ڕێکخستنەوەو نوێ کردنەوەی ئارامگەی شەهیدی قارەمان و پارتیزانی حزبمان. ( جەنگی کەریم عبداللە )، ناسراو بەهاوڕێ " شەپۆل بۆگدی.
شایانی باسە شەھید شەپۆل یەکێک بوو لەو پارتیزانانەی دوای ئەنفالیش سەنگەریان چۆڵ نەکرد، لە بەرە بەیانی ٥-٣-١٩٨٩ بەچاوساغی جاشە خۆفرۆشەکانی قاسماغا و بە پشتیوانی هیلیکۆپتەر، هێزێکی گەورەی ڕژێم هێرشیان کردە سەر پەناگەی نهێنی پارتیزانانی شیوعی لە شاخی کۆسرەت، دوای شەڕ و نەبەردیەکی گەورەدا لەگەڵ هاوڕێ رێباز شەھید دەبن و دەگەنە کاروانی نەمران.
