رێگای كوردستان
بەبۆنەی ساڵڕۆژی ڕاگەیاندنی حزبی شیوعیی كوردستان، كۆمیتەی ڕێكخستنی شاری سلێمانی خولێكی یەك ڕۆژەی بەناونیشانی (پەروەردە، پێشكەوتنمانە)، بۆ ژمارەیەك لە كادرانی ڕێكخست.
سەرەتای خولەكە بە چەند ساتێك وەستان بۆ گیانی پاكی شەهیدانی حزب و كوردستان دەستیپێكرد و دواتر مامۆستا بێستون كەمال بەرپرسی لیژنەی ڕۆشنبیری مەڵبەندی سلێمانیی حزبی شیوعیی كوردستان وتەیەكی پێشكەشكرد و باسی گرنگی خولی ڕۆشنبیری بۆ كادران ڕوونكردەوە.
پاشان هاوڕێ حەسەن مەحمود بەرپرسی ڕێكخستنی شاری سلێمانی بابەتێكی لەسەر یادی ڕاگەیاندنی حزبی شیوعیی كورستان و گرنگیی بەرزكردنەوەی ئاستی ڕۆشنبیری كادران پێشكەشكرد.
دواتر بەشێوەی وانە و بەناونیشانی جیاواز، سێ بابەت پێشكەشكران.
بابەتە پێشكەشكراوەكان بریتیبوون لە (چۆنیەتی نووسینی كۆنووس و ڕاپۆرت) لەلایەن كارمەند بەكر، (كۆبوونەوە چییە؟) لەلایەن پۆڵا ئەحمەد و (دیسپلین چییە؟) لەلایەن لوقمان عەلی، پێشكەشكران.