رێگای كوردستان
حزبی شیوعی كوردستان بەمەبەستی پشتگیریكردن لەداواكاری مامۆستایان و فەرمانبەران و خانەنشینانی ناڕازی لە شاری هەولێر خۆپیشاندانێكی نارەزاییان دەستپێكرد و هێزە ئەمنیەكانی شارەكە لە دەوروبەری خۆپیشاندەران بڵاوەی پێكراوە.
مەڵبەندی هەولێری حزبی شیوعی كوردستان لەراگەیەندراوێكدا رایگەیاند، بۆ داكۆكیكردن لە داخوازیە رەواكانی سەرجەم چین و توێژەكانی هەرێمی كوردستان بەتایبەت مامۆستایان و فەرمانبەران و خانەنشینان گردبونەوەیەكی ناڕازی لەسەنتەری شاری هەولێر ئەنجامدا.
هاوكات هێزێكی زۆری ئەمنی لە دەوروبەری مەڵبەندی حزبی شیوعی كوردستان لە هەولێر بڵاوەپێكراوە، تا ئێستاش خۆپیشاندانەكە بەردەوامە و داوادەكرێت، موچەی فەرمانبەر و مامۆستایان و خانەنشینان لەكاتی خۆیدا بدرێت و مامۆستایانی گرێبەستیش بكرێن بەهەمیشەیی.
