هەولێر – ٣١ی ئایاری ٢٠٢٦
شاندێكی حزبی شیوعی كوردستان، بە بەشداریی هاوڕێ كەمال شاكر، سكرتێری پێشووتری كۆمیتەی ناوەندی و هاوڕێ هیوا عومەر، جێگری سكرتێری كۆمیتەی ناوەندی، پێشوازییان لە بنەماڵەی هاوڕێی سەركردە "نەجمەدین مامۆ" كرد، بە مەبەستی گەیاندنی ڕێز و سوپاسیان بۆ سەرکردایەتی حزب و ئەندام و کادیر و دۆستان کە لە مەراسیمی بەخاکسپاردن و پرسەی دایکی کۆچکردوویان هاوڕێ خاتوون سەیدا حسێن، بەشدار و هاوخەمیان بوون.
لە دیدارەكەدا، كە هاوڕێ نەرمین نەجمەدین مامۆ، ئەندامی كۆمیتەی ناوەندی حزب و خوشك و براكانی، مەهاباد و گۆران، ئامادەی بوون، سەركردایەتی حیزب جارێكی تر هاوسۆزی و سەرەخۆشیی خۆیان بۆ بنەماڵەكە دووپات كردەوە و هیوای دڵنەواییان بۆ خواستن.
لە بەرامبەردا، بنەماڵەی هاوڕێ نەجمەدین مامۆ سوپاس و پێزانینی قووڵی خۆیان ئاراستەی سەركردایەتی و تەواوی هاوڕێیانی حیزب كرد، بۆ هاوكاری و بەشداریكردنیان لە مەراسیمی پێشوازیكردن و ناشتن و بەڕێوەچوونی پرسەی دایكیان.
شایانی باسە، هاوڕێ خاتوون سەیدا حسین هاوسەری هاوڕێ نەجمەدین مامۆ و دایکی شەهید فرسەت، لە ١٨-٤-٢٠٢٦ لە وڵاتی سوید كۆچی دوایی كرد و دوای هێنانەوەی تەرمەكەی بۆ هەرێمی كوردستان، لە مەراسیمێكی شایستەدا بە خاك سپێردرا.
