حوسێن نەجار، ئەندامی مەکتەبی سیاسیی حزبی شیوعی عێراق، پشتیوانیی تەواوی حیزبەکەی بۆ داواکاریی پزیشکانی نیشتەجێی خولاو و مافی خۆپیشاندانی ئاشتییانەیان بۆ بەدەستهێنانی مافە پیشەیی و داراییەکانیان ڕاگەیاند.
حسێن نەجار بە توندی هەر هەڕەشە یان ڕێکارێکی سزادانی دژی ئەو پزیشکانە ڕەتکردەوە کە بەهۆی بەکارهێنانی مافی دەستووریی خۆیانەوە ناڕەزایەتی دەردەبڕن.
ڕەخنەشی لە هەڵوێستی وەزارەتی تەندروستی گرت کە هەڕەشەی هەڵوەشاندنەوەی گرێبەست یان ڕێکاری کارگێڕیی دژی پزیشکەکان بەکاردەهێنێت، ئەمەشی بە پێشێلکردنی دەستوور و ئازادی ڕادەربڕین ناوبرد.
ئەندامەکەی مەکتەبی سیاسی حزبی شیوعی عێراق، جەختی کردەوە کە وەڵامدانەوەی داواکارییەکان ئەرکێکی یاسایی و ئەخڵاقییە، نەک منەتێک لەلایەن دەسەڵاتەوە.
حسێن نەجاڕ هۆشداریدا کە پشتیوانیکردنی زمانی هەڕەشە لەبری چارەسەری ڕیشەیی، قەیرانەکە لە داواکارییەکی پیشەییەوە بۆ ململانێیەکی گەورەی کۆمەڵایەتی دەگۆڕێت و داوای لە حکومەت کرد بە زووترین کات داواکارییەکانی ئەم توێژە گرنگەی کۆمەڵگا جێبەجێ بکات
