رابۆرت: بیر حجی دنائی شنکال
شنگال و سنوونێ و تەلعزیر؛ ١٠ سال ژ بێ خزمەتگوزاری و ململانێیێن سیاسی قەزایا شنگالێ و ناحیەیێن سنوونێ و تەلعزیرێ، بۆ ماوەیەکا درێژ یا نزیکی ١٠ سالانە، هێشتا ژ کێشەیێن بێ خزمەتگوزاری و پشتگوهاڤیتنێ ژ لایەنێن سیاسی ڤە دئازارێشن.
پشتی جینۆسایدێ ساڵا ٢٠١٤ێ یا دژی ئێزدییان، خەلکێ ڤان ناڤچان ب جگەریێن زۆر، وێرانبوونا ماڵان و ژدەستدانا سەرچاوەیێن ژیانێ بەرەڤڕوو بوون. لێ، پشتی تێپەڕبوونا ڤان هەمی سالان، هێشتا گەلەک کێشە یێن خزمەتگوزاریێن بنەڕەتی، ئاوەدانکرن، کار و هەلیێن ژیانێ چارەسەر نەبووینە.
ململانێیێن سیاسی و ناکۆکییێن نێڤبەرا لایەنێن سیاسی و ئیدارەیی، کاریگەرییەکا نەرێنی ل سەر ژیانا خەلکێ ڤان ناڤچان هەیە. خەلکێ شنگالێ، سنوونێ و تەلعزیرێ مافێ خۆ یێە هەیە بێی جیاوازی و بێی لەبەرچاڤگرتنا ناکۆکییێن سیاسی، خزمەتگوزاریێن بنەڕەتی و گرنگیدانا حکومەتێ وەربگرن.
ئێستا پێدڤیە حکومەتا فیدراڵ یا عێراقێ و حکومەتا هەرێما کوردستانێ، ل گەل هەمی لایەنێن پەیوەندیدار، بەرپرسیارییا خۆ بجه بینن، بۆ چارەسەرکرنا کێشەیێن خەلکێ ڤان ناڤچان و دانانا پلانەکا ڕوون بۆ ئاوەدانکرن، دابینکرنا خزمەتگوزاریان و گەڕاندنا ژیانا ئاسایی بۆ خەلکێ شنگالێ.
پرسیارا سەرەکی ئەڤەیە: تا کەنگێ خەلکێ شنگالێ، سنوونێ و تەلعزیرێ دێ ببنە قوربانییێن ململانێیێن سیاسی و بێخزمەتگوزاری؟