پاش ئەوەی لە ساڵی2018 و پێش دابەشكردنی خەلاتی تۆپی ئاڵتوونی كاسرین مایۆرگای كچە مۆدێل لە لاس فیگاس سكاڵای دژی رۆنالدۆ كرد بە تۆمەتی دەسترێژی سێكسی لە ساڵی 2009 ، ئەوكاتە یاریزانی مانچستەر یونایتد بووە.
پارێزەرانی مایۆرگا داوایان لە دادگای تێهەڵچوونەوەی نۆیەمی ویلایەتە یەگرتووەكانی ئەمریكا كرد كە بڕیاری هەڵوەشاندنەوەی دۆسیەكە هەڵبوەشێنەوە كە لە مانگی حەوتی ساڵی 2022 درابوو.
كاسرین و پارێزەرانی لەبەرامبەردا داوای 65 ملیۆن دۆلار قەرەبووی دەكردو چەندین دانیشتنی دادگا ئەنجامدراو بە ئامادەبوونی كریستیانۆ و پارێزەكەی و پاش پێنج ساڵ دادگا بریاری كۆتاییدا.
دادگای فیدراڵی نیڤادا بریاری كۆتایدا سەبارەت بەو دۆسیەیەدا و كریستیانۆ رۆناڵدۆی پورتوگالی بە بێتاوان هەژماركرد و بۆ هەمیشە ئەو دۆسییە داخرا.