رۆژنامەكانی ئیسپانیا ئاشكرایان كرد ، یانەی ڕیال مەدرید ڕاوێژیان بە فیفا كردووە سەبارەت بە ئەگەری هێنانە پێشەوەی گواستنەوەی ئیندریك فیلیپی بەڕازیلی بۆ قەرەبووكردنەوەی ئامادەنەبوونی ڤینیسیۆس جونیۆری هاونیشتیمانیی.
رۆژنامەكە روونیشیكردەوە كە بەرپرسانی فیفا داواكەی یانەی شاهانەیان رەتكردوەتەوە چونكە بە پێی یاساكان نابێت پێش تەمەنی 18 ساڵ یاری لەگەڵ ریاڵ مەدرید بكات ، هەر بۆیە ئەو یاریزانە لە هاوینی ساڵی 2024 دەگاتە سانتیاگۆ بێرنابیۆ.
یانەی شاهانە ناتوانێت هێرشبەرە بەڕازیلییەكە بخاتە نێو یاریگاكانەوە تا تەمەنی هەژدە ساڵ، واتە تا 21ی تەمموزی 2024 ئەو هێرشبەرە یاری ناكات، ئەمەش ڕەنگە هاتنی دوابخات و ڕێگری بكات لە دەستپێكردنی یارییەكانی پێش وەرز.
یاریزانە لاوەكەی بەرازیل لە ساڵی 2022 بە بری زیاتر لە 40 ملیۆن گریبەستی لەگەڵ یانەی شاهانە واژووكرد و بە خواستن لە پاڵمێراس مایەوە و لە هاوینی 2024 پەیوەندی بە یانەی ریاڵ مەدرید دەكات.