ڤینسێنت كۆمپانی راهێنەری بایرن میونشن پێش رووبەرووبوونەوەی كلاسیكۆ بەرامبەر دۆرتمۆند دەڵێت: ئەمە یارییەكی زۆر تایبەتە، نەك تەنها بۆ ئێمە و هاندەرانمان، بەڵكو بۆ هەموو ئەڵمانیا و تەنانەت جیهانیش.
هەمووان چاوەڕێی ئەم ڕووبەڕووبوونەوەیەن، یاریی كلاسیكۆ هەمیشە مێژوویەكی گەورەی هەیە و ئێمەش وەك بایرندەمانەوێت مێژوویەكی نوێی تێدا بنووسینەوە.
كۆمپانی دەڵێت: دۆرتمۆند تیپێكی زۆر بەهێزە، بەتایبەتی كاتێك لە یاریگای خۆیان یاری دەكەن، ئەوان خاوەنی كوالێتییەكی بەرز و هاندەرێكی كاریگەرن، دەزانین ئەركمان ئاسان نابێت، بەڵام ئێمە بە باشی خۆمان ئامادە كردووە.
وتیشی: ئەتڵانتا تیپێكی زۆر ناوازەیە، ئەوان خاوەنی سیستەمێكی تاكتیكی تایبەتن كە لە هەموو ئەوروپا دەناسرێتەوە كە شێوازی بەرگریە ئەمەش وادەكات رووبەرووبوونەوەیان سەخت بێت.