رۆژنامەی ریلیڤیۆ لە هەواڵێكی نوێیدا ئاشكرایكردووە، هەرچەندە ئیسپانیا مافی میوانداریكردنی مۆندیالی 2030 پێبەخشراوە بەڵام لە ئێستادا مەترسییەكان لەسەر ئەو بابەتە زیادیكردووە بەتایبەت دوای دێربی مەدرید.
رۆژنامەكە ئاشكرایكردووە، سێ هۆكاری گەورە دروستبوون كە مەترسیان خستووەتە سەر ئیسپانیا تا مافی میواندرێتی كردنی مۆندیالی 2030 لێ بسەنرێتەوە، نوێترین هۆكاریان كێشە و شەڕ و ئاژاوەی یاری نێوان ریاڵ مەدرید و ئەتلەتیكۆ مەدرید بوو كە بووە هۆكاری راگیرانی یاریەكە بۆ ماوەی 10 خولەك كە بەشێكی زۆر پێیانوایە هیچ كەسێك سەلامەت نییە لە یارییە بەهێزەكانی ئەو وڵاتە.
هۆكاری دووەمیش ئەوەیە كە لە ئیسپانیا چەند جارێك كێشە رویداوە و نەتوانراوە سەدا سەد كۆنترۆڵی هاندەران بكرێت لە دەرەوە و ناوەوەی یاریگا، تەنانەت هاندەرە توندڕەوەكان بوونەتە هەڕەشە بۆ سەر هەموو یارییەكان.
هۆكاری سێیەم و كۆتاییش ئەوەیە كە لەو وڵاتە نەتوانراوە دیاردەی رەگەزپەرستی كۆتایی پێبهێنرێت هەروەك چۆن لە ماوەی رابردوودا ڤینیسیۆس جۆنیۆر داوای كرد ئەو میوانداریكردنە لە ئیسپانیا وەربگرنەوە چونكە وڵاتێكی رەگەزپەرستە.