لە جەولەی دووەمی قۆناغی كۆمەڵەكانی جامی جیهانی خوار 20 ساڵ، كە لە ئەرجەنتین بەڕێوەدەچێت، لە كۆمەڵەی چوارەمدا، هەردوو هەڵبژاردەی بەڕازیل و دۆمینیكان ڕووبەڕووی یەكبوونەوە.

لە تایمی یەكەمدا بەڕازیل باشتر بینرا و توانیشی دوو گۆڵی لەسەریەك لە خولەكەكانی 37 و 38دا تۆماربكات و بەپێشكەوتنەوە كۆتایی بە تایمەكە بهێنێت.

لە تایمی دووەمدا، سامبا كۆنتڕۆڵی یارییەكەی كرد و چوار گۆڵی تری لە خولەكەكانی 57 و 82 و 91 و 93دا تۆماركرد و بە شەش گۆڵی بێ بەرامبەر یارییەكەی لە سودی خۆی كۆتایی پێهێنا.

بەم ئەنجامە، بەڕازیل قەرەبووی شكستی جەولەی یەكەمی كردەوە و بە سێ خاڵ سەركەوتنی بۆ پلەی دووەمی كۆمەڵەكەی بەدەستهێنا، نایجیریاش دوای بردنەوەی لە ئیتاڵیا بە شەش خاڵ لە پێشەنگدایە.

لە درێژەی یارییەكانی جەولەی دووەم، ئەمشەو كاتژمێر نۆ ئۆرۆگوای و ئینگلتەرا ڕووبەڕووی یەكدەبنەوە و عێراقیش بۆ قەرەبووكردنەوەی شكستی جەولەی یەكەم، بەرامبەر تونس یاری دەكات.


 رێگای كوردستان ماڵپەڕێكی سیاسی، رۆشنبیری، گشتییە ئۆرگانی حزبی شیوعی كوردستانە، مەكتەبی راگەیاندنی ناوەندی بەڕێوەی دەبات

میدیا

   

   تەلەفۆن:   797 4635 750 964+

   ناونیشان:  هەولێر - گەرەکی ئازادی - نزیك نەخۆشخانەی نانەکەلی

   ئیمێل:  regaykurdistan@gmail.com

تابلۆی هەفتە