هەڵبژاردەی پۆرتوگال بەسەركردایەتیی كریستیانۆ رۆناڵدۆ، ئامادەكارییەكانی بۆ دوو یاریی داهاتووی لە پاڵاوتنەكانی گەیشتن بە یۆرۆی 2024 دەستپێكرد.
كریستیانۆ رۆناڵدۆ بە دەروونێكی ئارام و لەنێو كەش و هەوایەكی هاوڕێیانەدا لەگەڵ یاریزانانی هەڵبژاردەی وڵاتەكەی دەركەوت و خۆی بۆ یارییەكانی داهاتووی پاڵاوتنەكان ئامادەدەكات.
پۆرتوگال و رۆبێرتۆ مارتینێزی راهێنەری هەڵبژاردەكە لە پاڵاوتنەكاندا، بەباشترین شێوە دەركەوتوون و دەیانەوێت درێژە بەو دەستپێكە باشەیان بدەن كە بەیەكەوە هەیانە، بەتایبەت كە هەڵبژاردەكە دوای ئەنجامدانی 8 یاری سەرجەم یارییەكانی بردووەتەوە و سەركەوتنی بۆ یۆرۆی 2024 یەكلابووەتەوە.
یاریی داهاتووی پۆرتوگال بەرامبەر لیخنشتاین دەبێت كە لە دەرەوەی یاریگەی خۆی یارییەكە ئەنجامدەدات، لە یاریی چووندا پۆرتوگال لە یاریگەی خۆی 4-0 سەركەوتنی بەرامبەر ئەو هەڵبژاردەیە بەدەستهێناوە.
دوای ئەو یارییەش رۆژی یەكشەممە، پۆرتوگالییەكان میوانداریی هەڵبژاردەی سلۆڤاكیا دەكەن.
پۆرتوگال لە دوای ئەنجامدانی 8 یاری 32 گۆڵی تۆماركردووە و تەنیا دوو گۆڵی لێكراوە، كریستیانۆ رۆناڵدۆ دووەم گۆڵكاری پاڵاوتنەكانی مۆندیالە و تاوەكو ئێستا 9 گۆڵی تۆماركردووە.