پێش روبەڕبوونەوەی هەڵبژاردەی كەنەدا، لیۆنێل سكالۆنی راهێنەری ئەرجەنتین رایگەیاند، هەمیشە لەو بڕوایەدا بووە پێویستە بەردەوام پێشبكەون و لە پێش یاریییكەش بڕیار لەسەر پێكهاتەكەی دەدات.
باسی لەوەشكرد، نازانێت هەڵبژاردەی كەنەدا بە چی پێكهاتەیەكەوە یاریدەكات، بەڵام ئەوەی بۆ ئەوان گرنگە ئەوەیە بە تەواوی ئامادەبن و بەسەر بەرامبەردا زاڵ بن.
جەختی لەسەر ئەوەشكردەوە، هەردوو یاریزان لیۆنێل میسی و ئەنخێل دی ماریا كێشەیان نییە و بەشداری دەكەن لە یارییەكە.
وتیشی: پێم خۆشە بانگهێشتنامەیەك بۆ هەندێك لە هەڵبژاردەكانی ئەوروپا بنێردرێت بۆ ئەوەی بەشداری بكەن لە كۆپا ئەمریكا و بزانن یاریكردن لێرە بەچی شێوەیەكە، بە پێچەوانەشەوە هەڵبژاردەكانی ئەمریكای باشووریش بەشداری یۆرۆ بكەن.
راهێنەرەكە رەتیشیكردەوە جیاوازی هەبێت لە نێوان هەڵبژاردەكانی كۆنكاكاف و كۆنمیبۆڵ، ئاماژەی بەوەشدا ئەو جیاوازییەك نابینێت و هەڵبژاردەكانی هەردوولا وەك یەك بەهێزن.