پاش دۆڕانەكەیان بەرامبەر كۆپنهاگن، تین هاگی راهێنەری مان یونایتد رایگەیاند، ناتوانێت بە شێوەیەكی كورت باسی یاریەكە بكات بەڵكو پێویستی بە كاتژمێرێكە بۆ ئەوە، دوپاتیكردەوە بەهۆی ناوبژیوانەوە دۆڕاون و بە هیچ جۆرێك راشفۆرد شایەنی كارتی سور نەبووە.
لەبارەی ئەوەی لە یاریگای خۆیان تووشی شكست هاتوون تین هاگ ئاماژەی بەوەدا، لەناخی دڵیانەوە نا ئومێدن، بە 10 یاریزانەوە كۆنترۆڵی یاریەكەیان كردوە و بە گۆڵێكیش لە پێش بوونە بەڵام دواتر شكستیان هێناوە، پێی وابوو هاندەرانیش وەك ئەوان دڵگران و نا ئومێدن.
راهێنەرەكەی شەیتانە سورەكان لەبارەی ناوبژیوانەوە رایگەیاند، بڕیارەكانی دژی ئەوان بووە بە گشتی، بە تایبەتیش كارتە سورەكەی راشفۆر، دوپاتیشی كردەوە نەك تەنیا ئەم یاریە بەڵكە تەواوی وەرزەكە بارودۆخەكە بەم جۆرە بووە.
تین هاگ لە كۆتایدا باسی لەوەشكرد كاتی ئەوانیش دێت و دەگەڕێنەوە سەر ڕێڕەوی سەركەوتن و ئەم بارودۆخە سەختە تێدەپەڕێنن.