گوڵاڵە ساڵح حەسەن
پەروەردە و خوێندن دوو پایەی سەرەکی و دانەبڕاوی دروستبوونی کۆمەڵگەیەکی ئاوەدان و هۆشیارن، کە وەک تیشکی خۆر تاریکستانی نەزانی و دواکەوتوویی لەناو دەبەن و ڕێگەی گەشەسەندن و بەختەوەری بۆ مرۆڤایەتی ڕووناک دەکەنەوە. پەروەردەی دروست بناغەی هەموو ڕەوشتێکی بەرز و تێگەیشتنێکی تەندروستە، کە لە ئامێزی خێزانەوە دەست پێ دەکات و لە ناوەندەکانی خوێندندا گەشە دەکات و دەبێتە هۆی پێگەیاندنی تاکێکی بەرپرسیار و خاوەن ویژدان و نیشتماندۆست. خوێندنیش ئەو ئامرازە زانستییەیە کە مێشکی مرۆڤ بە زانیاری و بیرکردنەوەی ڕەخنەگرانە و داهێنان ئاودێر دەکات و دەرفەتی بەدەستهێنانی ئامانجە مەزنەکان و بەدیهێنانی ئاواتەکان دەڕەخسێنێت. کاتێک پەروەردە و زانست تێکەڵ بەیەک دەبن، زەمینەیەکی بەپیت بۆ بنەبڕکردنی دیاردە زیانبەخشەکان و پێشخستنی ڕووی ئابووری و کۆمەڵایەتی و فەرهەنگی دێتە ئاراوە. بەمەش گەلانی بێدار دەتوانن بەرەو لووتکەی سەرفرازی و شارستانیەت هەنگاو بنێن و ئاییندەیەکی گەش بۆ نەوەکانی داهاتوویان دەستەبەر بکەن. هەر بۆیە پێویستە سەرجەم چین و توێژەکانی کۆمەڵگە و دامودەزگاکانی حکومەت بایەخێکی بێسنوور بەم دوو کەرتە گرنگە ببەخشن و پشتیوانی مامۆستایان و قوتابیان ببن، تاوەکو کۆمەڵگەیەکی سەربەرز و خاوەن شارستانیەتێکی مەزن بونیاد بنرێت و چرای زانست لە هەموو ماڵ و شوێنێکدا هەمیشە گەش و درەوشاوە بمێنێتەوە.
