پاشنيوهڕۆى ئهمڕۆ پێنجشهممه 2026/1/22 نێچيرڤان بارزانى، سهرۆكى ههرێمى كوردستان، پێشوازيى له مهزڵووم عهبدى، فهرماندهى هێزهکانی سووریای دیموکرات (HSD) و شاندێكى ياوهرى كرد.
سەرۆکایەتی هەرێم لە راگەیاندراوێکیدا ئاماژەی بۆ ئەوەکردووە، له كۆبوونهوهیهکدا دوايين پێشهاتهكانى دۆخى سووريا تاوتوێ كران. نێچيرڤان بارزانى جەختی لە بهردهواميى ههوڵ و پهيوهندييهكانى لهگهڵ ههموو لايهنه پهيوهنديدارهكان بۆ بهردهوامیی ئاگربهست و ڕاگرتنى گرژييهكان و دهستپێکردنهوهی دهستبهجێی گفتوگۆ لهنێوان ههسهده و دیمهشقدا کردهوه. ههروهها گرنگيى دابینکردن و پاراستنى مافهكانى كورد و تهواوى پێكهاتهكانى له سووريایهکی یهکگرتوودا دووپات كردهوه.
لە بەشێکی راگەیاندراوە ئەوەش هاتووە: لاى خۆيهوه مهزڵووم عهبدى، وێڕای خستنهڕووی دوایین پێشهاتهکانی دۆخهکه، سوپاس و پێزانينى بۆ ڕۆڵ و پشتگيريى نێچيرڤان بارزانى و ههرێمی کوردستان و ههوڵهكانیان بۆ هێوركردنهوهى دۆخهكه و چارهسهركردنى كێشهكان دهربڕى، ههروهها جهختی لهسهر ئامادهیی و خواستیان بۆ چارهسهرکردنی ئاشتییانهی کێشهکان لهسهر بنهمای دابینکردنی مافهکانی گهلی کورد له سووريایهكى يهكگرتوودا دووپات کردهوه.
لە کۆتایی راگەیاندراوە دەشڵێت: مهترسی و ههڕهشهکانی سهرههڵدانهوهی داعش و کاریگهرییان بهسهر ئاسایش و سهقامگیریی سووریا و ناوچهکه بهگشتی، تهوهرێكى ديكهى كۆبوونهوهكه بوو.