بڕیار عەبدولرەحمان - سۆران
ڕۆژی سێشەممە ٢٠٢٦/١/٢٠ بە بەشداری چین و توێژە جیا جیاکان خۆپیشاندێکی بەرفراوان بەڕێوەچوو.
خۆپیشاندنەکەی سۆران بۆ پاڵپشی لە ڕۆژئاوای کوردستان بوو، خۆپیشاندەران بە دروشمی جیا جیا دژی ئەو هێرش و پەلامارانە وەستانەوە کە دەکرێنە سەر ڕۆژئاوای کوردستان.
هەژار ئیبراهیم بەرپرسی کۆمیتەی ڕێکخستنی سۆران یەکێک لە بەشداربووانی خۆپیشاندانەکە بۆ ڕێگای کوردستان گوتی" ڕۆژئاوای كوردستان لەبەردەم هێرشێكی داگیركاری و شەڕێكی سەپێنراوە، بە سەركردایەتی هێزە توندڕەوەكانی ئەحمەد شەرع و بە پیلانێكی نێودەوڵەتی و هەرێمایەتی. ڕووبەڕووبوونەوەی ئەو پلانە داگیركارییە بە ئەركی خۆمان و هەموو ئەندامێكی حزب و هاونیشتمانییان و هاووڵاتییانی هەرێمی كوردستان دەزانین".
ناوبراو لە درێژەی لێدوانەکەیدا گوتیشی" ئێمەش لەگەڵ هاوڕێیانی سنووری ڕێکخستنمان هاوشان لەگەڵ چین و توێژەکانی سۆران، بەشداری ئەم خۆپیشاندانە جەماوەریەمان کرد بۆ پاڵپشتی لە بەرخودانی خوشک و براکانمان لە ڕۆژئاوای کوردستان"