ناوەندی راگەیاندنی هێزەكانی سوریای دیموكرات لە راگەيەندراوێكدا كە بەرەبەیانی ئەمڕۆ بڵاویكردووەتەوە دەڵێت: هەوڵێکی دزەکردنی گروپەكانی حکومەتی دیمەشقی لە میحوەری گوندی زوبەیدە لە گوندەواری باشوری دێرحافرى تێكشكاندووە، هێرشبەرەکان كە بە پشتیوانی فڕۆکەی بێفڕۆکەوان و بەکارهێنانی دۆشکە هێرشەكانیان ئەنجامداوە، ناچاربوون هەڵبێن.
هاوكات ئاماژەی بەوەكردووە: لە هەڵکشانێکی مەبەستداردا، فڕۆکەیەکی بێفڕۆکەوانی بایراکتاری تورکیا یەکێک لە پێگەکانی هێزەكانمانی لە گوندی ئەلبوعاسی سەر بە گوندەواری تەبقە کردە ئامانج و لە ئەنجامدا چەند شەڕڤانێنكمان برینداربوون و بۆ چارەسەری گواسترانەوە.
هەر لەو چوارچێوەیەدا، فڕۆکەیەکی بایراکتاری تورکی یەکێک لە پێگە سەربازییەکانمان لە شاری مەسکەنە کردە ئامانج و هیچ زیانێکی گیانی لێ نەکەوتەوە، هەر ئەمڕۆ بۆ جاری دووەم فرۆكە بێفرۆكەوانەكانی توركیا ناوچەی مەسكەنەیان بۆردومان كردووەتەوە، ئەوەش سێیەم هێرشی توركیایە لە ئەمڕۆدا، كە گوزارشتە لە هەڵکشانێکی مەترسیدار و بەردەوام لە ناوچەکەدا
