حزبی شیوعی کوردستان و پارتی ڕەنجدەرانی کوردستان، جەختی لەسەر دەکەنەوە، پاڵپشتیەکانی خەڵکی هەرێمی کوردستان لە ڕۆژئاوای کوردستان بەو یەکدەنگیەی کە بینرا، ئەو ڕاستیە دەسەلمێنێت کە هەمیشە بە یەکڕیزی و یەکگرتوویی دەتوانرێت ئامانجەکان بەدەست بێت
ئەمرۆ سێشەممە ١٧/٢/٢٠٢٦، لە بارەگای مەکتەبی سیاسی لە شاری هەولێر هاورێیان ئەبو کاروان سکرتێری کۆمیتەی ناوەندی و بابا عەلی جەباری و سوبحی مەهدی و نعمت مەعروف ئەندامانی مەکتەبی سیاسی و بابا علی جەباری ئەندامی مەکتەبی سیاسی و ئومید محەمەد ئەندامی مەکتەبی پەیوەندییەکانی ناوەندی پێشوازیان کرد لە شاندێکی پارتی ڕەنجدەرانی کوردستان کە پێکهاتبو لە باپیر کاملا سکرتێری گشتی وسەید عەزیز ئەندامی مەکتەبی سیاسی و ئەحمەد ئیبرایم ئەندامی کۆمیتەی ناوەندی و رزگار رسول ئەندامی ئەنجومەنی گشتی.
لە دیدارێکی دۆستانەدا، هەردوولا بە دوورو درێژی بارو دۆخی سیاسی ناوخۆی هەرێمی کوردستان و عێراق و ناوچەکەیان تاوتوێکرد.
هەردوولا جەختیان لەسەر کردەوە، کە پێشهات و گۆڕانکاریەکانی ناوچەکە، ئەبێت خوێندنەوەی جددیان بۆ بکرێت و بە هەند وەربگیرێت.
بە گرنگیان زانی لەم بارودۆخەدا، ناوخۆی هەرێمی کوردستان یەکبخرێتەوەو بۆ ڕووبەڕووبونەوەی هەر ئەگەرێک پێویستمان یەکڕێزی و یەک هەڵوێستی دەبێت.
پاڵپشتیەکانی خەڵکی هەرێمی کوردستان لە ڕۆژئاوای کوردستان بەو یەکدەنگیەی کە بینرا، لەلایەن هەردوولا بەرز نرخێندراو جەختیان لەسەر کردەوە، کە هەمیشە بە یەکڕیزی و یەکگرتوویی دەتوانرێت ئامانجەکان بەدەست بێت
لە تەوەرێکی دیکەدا هەردوولا جەختیان لەسەر پتەوکردنی پەیوەندیە دوو قۆڵیەکانی نێوانیان کردەوە.
