بهەلکەفتا (١٤) شواتێ روژا شەهیدێ شیوعی وەک نەریتەک سالانە مەڵبەندێ دهوکێ بریارا ساخکرنەڤەیا ئەڤێ بیرەوەریێ ب چەندین چالاکیێن جودا دایە کو ل سەرانسەری کۆمیتێن رێکخستنا حزبی بهێنە ئەنجامدان بسەرەدانێن گورێن جانگوریان و بەستنا سمیناران و سەرەدانا مالباتێن سەربەرزێن شەهیدان و بەلاڤکرنا بەیاناما مەکتەبا سیاسی و هەلاویستنا لافیتان ل باژێرێن پارێزگەها دهوکێ .
لسبێدەیا روژا ( ٢٠٢٦/٢/١٣ ) شاندەکێ مەڵبەندێ دهوک بهەڤبشکی دگەل کومیتا رێکخستنا قەزا ئامێدیێ سەرەدانا گورێن چەند شەهیدێن حزبێ ل گورستانا ئامێدیێ و گوندێ هەڤندکا کرن و چەند شتلێن دارا زەیتونێ ل سەر گورێن وان چاندن و دهەمان روژدا سەرەدانا چەند مالباتێن سەربەرزێن شەهیدان کرن
لروژا ( ٢٠٢٦/٢/١٤ ) کۆمیتا رێکخستنا زاخو و کۆمیتا رێکخستنا قەزا سێمێلێ سەرەدانا چەندین مالباتێن سەربەرزێن شەهیدان کرن و کۆمیتا رێکخستنا قەزا دهوک رێورەسمێن تایبەت گێران بو ساخکرنەڤەیا ئەڤێ بیرەوەریێ ب ئامادەبوونا ژمارەکا باش یا کەسوکارێن سەربەرزێن شەهیدان و ئەندام و دوستێن حزبێ کو بکورتە پەیڤا بخێرهاتنا ئامادەبووان ژلایێ هەڤرێ بایزید باجلوری سکرتێرێ کۆمیتا قەزای ڤە چالاکی هاتە دەسپێکرن و لدیڤدا هەڤرێ رێبەر ئامێدی سکرتێرێ مەڵبەندێ دهوک و ئەندامێ مەکتەبا سیاسی یا حزبێ چەند روناهی دانە سەر (١٤) ێ شواتێ روژا شەهیدێ شیوعی و چاوانا هەلبژارتنا ئەڤێ روژێ ژلایێ حزبێ ڤە کو گرێدای سێدارەدانا ئێکەم سکرتێرێ حزبێ و دوو ئەندامێن مەکتەبا سیاسی ل سالا (١٩٤٩) وهەلویستێ خوراگر و وێرەکێ وان بەرامبەر زورداریا حوکمانیا پاشایەتی و کولنیالزما ئێنگلیزی و نها ئەو روژ بویە سومبولا بەرخودان و نویکرنەڤەیا تێکوشانا شیوعیان ژ بو ئازادیێ و دیموکراسیەتێ و دادپەروەریا جڤاکی سوشیالزمێ وەک بیرەوەریەک ل هەر سال دهێتە ساخکرن دلسوزیە بو ئەوێ ریبارێ خوینێ یێ جانگوریێن حزبێ روشتی .
لدیف هەڤرێ ئاواز ئامێدی جێگرێ سکرتێرێ مەڵبەندی باسی چاوانیا بەرخودانا زیندانیێن سیاسیێن شیوعی د گرتیگەهێن رژێما گورەبەگورا بەعسیان تا کر تا ژمارەک ژوان گەهشتینە وەرگرتنا ناسناما شەهادەتێ بێی ترس و بباوەریەک موکم بو ئارمانجێن حزبێ ژبو نیشتمانەک ئازاد گەلەکێ بەختەوەر ، پاشی هەڤرێ جەگەرخوین بەرپرسێ پێشمەرگێن دێرین باسی چەند چالاکیێن لەشکەری یێن پێشمەرگایەتیێ کرن ل دژی رژێما دکتاتوری یا بەغدا ل سالێن هەشتاندا و چەلەنگی و عەگیدیا پێشمەرگێن شیوعیان و ئاماژە ب چەند جانگوریان کرن کو ددەمێ کریارێن لەشکەریدا شەهیددبوون . و لدیڤدا خێزانێن سەربەرزێن شەهیدان وەک چالاکیەک سومبولی موم هەلکرن و گولێن سور دانان دلسوزی بو جانێ پاقژێ شەهیدان . هەژی ئاماژێ یە.
