ئەمڕۆ چوارشەممە، ١٣ی ئایاری ٢٠٢٦، لیۆ جین، کونسڵی گشتیی کۆماری چین لە هەرێمی کوردستان، و سۆن ێژی قونسڵی یاریدەر بە یاوەریی هاوڕێ ئەبوکاروان، سکرتێری کۆمیتەی ناوەندی حزبی شیوعی کوردستان، و هاوڕێ پێشڕەو سکرتێری مەڵبەندی گەرمیانی حزبمان و شاندی یاوەری لە دوا وێستگەی گەشتە سێ ڕۆژیەکەیدا بۆ گەرمیان سەردانی بارەگای ڕێکخستنی کەلاری حزبمانی کرد.
دواتر و لە گەڕانەویدا سەردانی دەربەندیخانی کرد و لە لایەن هاوڕێ زەردەشت حسین لێپرسراوی ڕێکخستن و ژمارەیەکی بەرچاو لە هاوڕێیانی دەربەندیخانەوە بە گەرمی پێشوازی لێکراو لەو سەردانەدا جگە لە بەسەرکردنەوەی بارەگای حزبمان شاندی قونسڵگەری چین و هاوڕێیانمان. قایمقامیەتی دەربەندیخان و بەنداوی دەربەندیخان و شارەوانی و چەند شوێنێکی تری شارەکەی بەسەر کردەوە.
لە دیدار و چاوپێکەوتنەکاندا کونسڵی گشتی چین جەختی لە مێژووی دێرینی شارەکە و گرنگی هەڵکەوتەی جوگرافی و دانیشتوانەکەی کردەوە و ئاماژەی بەوە کرد ستراتیژی وڵاتەکەی بۆ پەرەپێدانی پڕۆژە خزمەتگوزاری و ئابورییەکان لە هەرێمی کوردستان گرنگە و هەوڵی خۆی دەخاتە گر لە پێناو جێبەجێکردنی پڕۆژەی وەبەرهێنان لە سنورەکە و ووتی: ئامانجی سەرەکیی ئەم سەردانە بریتییە لە بەهێزکردنی هەماهەنگییەکان بۆ گەشەپێدانی ژێرخانی ئابوری و ئاڵوگۆڕکردنی ئەزموونی سیاسی، کە خزمەت بە بەرژەوەندییە هاوبەشەکانی هەردوولا و بوژانەوەی ناوچەکە دەکات.
