ئەفسانە ئاڵەشین
لە مێژووی گەلاندا هەرگیز وەرچەرخانە گەورەکان بەبێ بەشداری کارای دوو توێژی سەرەکی نەهاتووەتەدی کە ئەوانیش ژنان و گەنجانن. ئەمڕۆ کە لە سەردەمی خێرایی و تەکنەلۆژیا و کرانەوەی مەعریفیدا دەژین پێویستە تێڕوانینمان بۆ ئەم دوو هێزە لە چوارچێوەیەکی کلاسیکی و پەراوێزییەوە بگۆڕدرێت بۆ دیدگایەکی ستراتیژی و بونیادنەر
ژنان وەک نیوەی کۆمەڵگە و پەروەردەکاری نیوەکەی تریش تەنیا ڕەگەزێک نین بۆ پڕکردنەوەی ئامارەکان بەڵکو خاوەن دیدگایەکی تایبەت و وردن بۆ چارەسەرکردنی قەیرانەکان کاتێک ژنان لە کایە سیاسی ئابووری و ڕۆشنبیرییەکاندا شوێنی شایستەی خۆیان وەردەگرن کۆمەڵگە بەرەو هاوسەنگییەکی مرۆیی هەنگاو دەنێت. دەنگی ژنان دەنگی دادپەروەری و ئاشتییە بۆیە هەر وڵاتێک بیەوێت پێش بکەوێت دەبێت پێش هەموو شتێک بەربەستە یاسایی و کۆمەڵایەتییەکانی بەردەم داهێنانی ژنان بڕەوێنێتەوە و ڕێگە بدات بەهرەکانیان لە کایە گشتییەکاندا ڕەنگ بداتەوە.
لە لایەکی تریشەوە گەنجان بڕبڕەی پشتی هەر نەتەوەیەکن وزەی گەنجان وەک سووتەمەنی وایە بۆ مۆتۆڕی پێشکەوتن گەنجانی ئەمڕۆ بەهۆی ئاشنابوونیان بە جیهانی نوێ و زمانە زیندووەکان خاوەن گوتارێکی جیاوازن کە دەکرێت کۆمەڵگە لە چەقبەستوویی ڕزگار بکات. فەرامۆشکردنی گەنجان یان تەنیا وەک ئامرازێک سەیرکردنیان بەفیڕۆدانی گەورەترین سەرمایەی نیشتمانییە پێویستە دەرفەتی کار، ناوەندی مەشق و ڕاهێنان و سەکۆی ئازاد بۆ دەربڕینی بیروڕاکانیان فەراهەم بکرێت، تاوەکو ئەو وزە تەقیوەیان لە جیاتی بێئومێدی، بەرەو ئاوەدانکردنەوە و داهێنان ئاراستە بکرێت
لە کۆتاییدا کۆمەڵگەی زیندوو ئەو کۆمەڵگەیەیە کە متمانە بە دەنگە نوێیەکان دەکات تێکەڵکردنی ئەزموونی ڕابردوو لەگەڵ دیدگای ژنان و جۆشوخرۆشی گەنجان تاقە ڕێگەیە بۆ بونیادنانی داهاتوویەک کە تێیدا مرۆڤەکان هەست بە کەرامەت و یەکسانی بکەن کاتی ئەوە هاتووە لە گوتاری تیۆرییەوە هەنگاو بنێین بەرەو کردار و بوار بۆ ئەم دوو توێژە بکەینەوە تا مێژوویەکی پڕ لە شانازی بۆ نەوەکانی داهاتوو بنووسنەوە...
