ئێران بە فەرمی ڕایگەیاند کە لە ئێستادا دەرگای لێکتێگەیشتن لەگەڵ ئەمەریکا داخراوە و واشنتنی بەوە تۆمەتبار کرد کە دیپلۆماسی بۆ "کڕینی کات و ڕێگەخۆشکردن بۆ هێرشی دیکە" بەکاردەهێنێت.
لەم چوارچێوەیەدا، گۆڕانکاری و لێدوانی بەرپرسە باڵاکانی ئێران بەم شێوەیەیە:
•    هەڵوێستی وەزارەتی دەرەوە: کاظم غەریبابادی، راوێژکاری یاسایی وەزیری دەرەوەی ئێران، لە چاوپێکەوتنێکدا ڕایگەیاند: "واشنتن جێبەجێکردنی هەندێک مەرجی بۆ قۆناغەکانی دواتر دواخستووە، ئەمەش مانای ئەوەیە لەم هەلومەرجەدا لێکتێگەیشتن ناگاتە ئەنجام." ناوبراو جەختی کردەوە کە ئەمریکا جێی متمانە نییە و دەبێت پێش هەمو شتێک گەرەنتی پێویست بۆ جێبەجێکردنی مەرجەکانی ئێران دابین بکات.
•    پرسی گەروی هورمز: لە لێدوانێکی تردا، غەریبابادی ئاشکرای کرد کە پلانی ئێران بۆ کردنەوەی گەروی هورمز (کە ڕێڕەوێکی ئاوی گرنگی نێودەوڵەتییە) لە ٧ ڕۆژەوە بۆ ٢ ڕۆژ کورت کراوەتەوە. (جێی باسە مانگی رابردوو ئێران پێشنیازێکی پێشکەش کردبو بۆ کردنەوەی گەرووەکە بە مەرجی هەڵگرتنی گەمارۆکان، وەستاندنی شەڕ، ئازادکردنی سەروەت و سامانی بلۆککراو، و دامەزراندنی ئیدارەی هاوبەشی ئێران و عومان تیایدا).
•    مەرجەکانی پەرلەمان: ئەم لێدوانانە دوای ئەوە هاتن کە محەمەد باقر قالیباف، سەرۆکی پەرلەمانی ئێران، حەوت مەرجەکەی تاران ڕاگەیاندەوە و ئاماژەی بەوە کرد کە وڵاتەکەی لە دۆخی "نە شەڕ و نە ئاشتی"دا نامێنێتەوە، بەڵام ئەگەر واشنتن مەرجەکان قبوڵ بکات، ڕێگەی ڕێککەوتن بە کراوەیی دەمێنێتەوە.
•    ڕەتکردنەوەی ڕاگرتنی پیتاندنی یۆرانیۆم: هاوکات ئیسماعیل بەقایی، وتەبێژی وەزارەتی دەرەوەی ئێران، بە توندی ڕەتیکردەوە کە وڵاتەکەی ڕاگرتنی کاتی پیتاندنی یۆرانیۆم بۆ گەیشتن بە ڕێککەوتن لەگەڵ ئەمەریکا قبوڵ بکات.

 

powered by social2s

وتاری نووسەران


 رێگای كوردستان ماڵپەڕێكی سیاسی، رۆشنبیری، گشتییە ئۆرگانی حزبی شیوعی كوردستانە، مەكتەبی راگەیاندنی ناوەندی بەڕێوەی دەبات

میدیا

   تەلەفۆن:   797 4635 750 964+

   ناونیشان:  هەولێر - گەرەکی ئازادی - نزیك نەخۆشخانەی نانەکەلی

   ئیمێل:  regaykurdistan@gmail.com

سۆسیال میدیا