وەلید محەمەد سلێمان
پیشەیا مامۆستای، مەزنترین و پیرۆزترین پیشەیە. مامۆستا بتنێ فەرمانبەرەک نییە کو زانیاریان ڤەگوهێزیت، بەلکو هونەرمەندەکێ دلسۆز و خەمخورە کو ژ ناڤ تاریاتیا نەزانینێدا پەیکەرێ زیرەکیێ، شارەزایێ و ڕوناهیێ دکێشیت.
ل لایەکێ دیڤە، مامۆستا ئەو کەسە کو دەمێ هەمی بەرێ خۆ ددەنە ئەڤڕۆ، ئەو بەرێ خۆ ددەتە داهاتی.
زێدەباری ڤێ چەندێ، مامۆستا بتنێ مە فێری ڤەخواندن و نڤیسینێ ناکەن، بەلکی مە فێری تێگەهشتن ل مان و مەبەستا ژیانێ دکەن.
هەکە ئەڤڕۆ نوژدارەک ژیانێ ڕزگار بکەت، یان ئەندازیارەک شارەکی دروست بکەت، پێتڤیە بزانین کو ئەو هەمی بەرهەمێ پەیاما پیرۆزا مامۆستایە کو ل پۆلەکا بچووکدا یا چاندی.
هەکە جیهان هەتا نوکە ب ئاڤەدانی، مرۆڤایەتیێ و پێشکەفتنێ مابیتەڤە، پێتڤیە بزانین کو ب هەوڵ و ماندیبوونا وان چرایانە یێن کو مامۆستایان هەلکرین. هەروەسا، مامۆستا دیروکەکا گەش دنڤیسین و بەردەوام چرایێن ڕوون بۆ نیشتمان و کومەلگەها خۆ هەلدکەن.
مامۆستا پێشەنگێن خەبات و تێکۆشانێنە، د ڕۆژانێن بزەحمەتدا هەردەم ل ڕێزێن پێشیێ دمینن بۆ خزمەتا گەل و نیشتمانێ خۆ.
ل دوماهیێ، مامۆستا ل هەمی شورەشاندا وەکی شەمەلکەکا هەردەم گەش دناڤ پۆلاندا برقیەو ( درەوشاوەتەوە) ب هزرێن گەش و ئارام بەخش، هزر و ئەندێشەیا تاکێن کومەلگەهێ ل نەزانینێ و تاریاتیێ پاراستن و بەرەڤ ڕوناهی و گەشبینیێ برن.
سەرپەرشتیارێ پەروەردەیی
