ب هەلکەفتا 5ێ ئۆکتوبەر، ڕۆژا جیهانیا مامۆستایان، 6 ێ ئۆکتوبەر، رۆژا مامۆستایێن کوردستانێ، گەرمترین پیرۆزباهی ئاراستەی تەڤایا مامۆستایێن جیهانێ و کوردستانێ دکەم و هیڤیدارم هەردەم سەرکەفتی بن بۆ پەروەردەکرن و درۆست کرنا نفشەکێ زانا و هشیاردا.
ماموستایێن ڕێزدار ...
پیشەیا مامۆستای، مەزنترین و پیرۆزترین پیشەیە. مامۆستا بتنێ فەرمانبەرەک نییە کو زانیاریان بۆ قوتابیان ڤەگوهێزیت، بەلکو هونەرمەندەکێ دلسۆز و خەمخورە کو ژ ناڤ تاریاتیا نەزانینێدا پەیکەرێ زیرەکیێ، شارەزایێ، ڕوناهیێ و داهاتووی دکێشیت.
ل لایەکێ دیڤە، مامۆستا ئەو کەسە کو دەمێ هەمی کەس بەرێ خۆ ددەنە ئەڤڕۆ، ئەو بەرێ خۆ ددەتە داهاتی.
زێدەباری ڤێ چەندێ، مامۆستا بتنێ مە فێری خواندن و نڤیسینێ ناکەن، بەلکی مە فێری تێگەهشتن ل مان و مەبەستا ژیانێ دکەن.
هەکە ئەڤڕۆ نوژدارەک ژیانێ ڕزگار بکەت، یان ئەندازیارەک شارەکی ئاڤا بکەت، پێتڤیە بزانین کو ئەو هەمی بەرهەمێ پەیاما پیرۆزا مامۆستایە کو ل پۆلەکا بچووکدا هاتیە چاندن.
هەکە جیهان هەتا نوکە ب ئاڤەدانی، مرۆڤایەتیێ و پێشکەفتنێ مابیتەڤە، پێتڤیە بزانین کو ب هەوڵ و ماندیبوونا وان چرایانە یێن کو مامۆستایان هەلکرین.
زێدەباری ڤێ چەندێ، مامۆستا دیروکەکا گەش دنڤیسین و بەردەوام چرایێن ڕووناهیێ بۆ نیشتمان و کومەلگەها خۆ هەلدکەن. مامۆستا پێشەنگێن خەبات و تێکۆشانێنە، د ڕۆژانێن بزەحمەتدا هەردەم ل ڕێزێن پێشیێ دمینن بۆ خزمەتا گەل و نیشتمانێ خۆ.
ل دوماهیێ، مامۆستا د هەمی شورەشاندا وەکی شەمەلکەکا هەردەم گەش دناڤ پۆلاندا دبرقیت، ب هزرێن گەش و ئارام بەخش، هزر و ئەندێشەیا تاکێن کومەلگەهێ ل نەزانینێ و تاریاتیێ د پارێزیت و بەرەڤ ڕوناهی، زانین و گەشبینیێ دبەن.
وەلید محەمەد سلێمان
سەرپەرشتیارێ پەروەردەیی
