گرژیەكانی ئەمەریكا و ئێران و كەمی بەرهەمهێنان بەهۆی سەرماو بەستەڵەكەوە نرخی نەوتی بەرز كردەوە.
ئەمڕۆ چوارشەممە نرخی نەوتی خاوی برێنت 28 سەنت بەڕێژەی 0.4% بەرزبوەوە و گەیشتە 67.96 دۆلار، هاوکات نرخی بەرمیلێک نەوتی خاوی ڕۆژئاوای تەکساسی ئەمریکا 35 سەنت بەرزبوەوە، کە دەکاتە 0.6% و گەیشتە 62.83 دۆلار.
بەپێی ئاژانسی ڕۆیتەرز، شیکاران و بازرگانان مەزەندەیان کردوە کە بەرهەمهێنانی ئەمریکا لە سەرەتای هەفتەدا بە ڕێژەی دو ملیۆن بەرمیل لە ڕۆژێکدا، واتا نزیکەی 15% دابەزیوە، بەهۆی ئەو زریانە زستانەی کە وڵاتەکەی گرتوەتەوە، ئەوەش فشاری خستوهتە سەر ژێرخانی وزە و تۆڕەکانی کارەبا.
