ئەمڕۆ چوارشەممە نرخی نەوت لە ماوەی حەوت مانگدا بەرزترین ئاستی تۆمار كرد، ئەوەش لەكاتێكدایه کە نیگەرانییەکان لە بارەی ململانێی سەربازی لە نێوان ئێران و ئەمریکا کە دابینکردنی پێداویستییەکان كەمبكاتەوە،ئەگەرچی بڕیارە ڕۆژی پێنجشەممە دانوستانەكانی نێوانیان بەڕێوە بچێت.
نرخی یەک بەرمیل نەوتی خاوی برێنت 45 سەنت بەڕێژەی 0.64% بەرزبوەوە و گەیشتە 71 دۆلار و 22 سەنت، هاوکات نرخی ئایندەی نەوتی خاوی ڕۆژئاوای تەکساس بەڕێژەی 0.64% بەرزبوەوە و گەیشتە 66.05 دۆلار.
بەگوێرەی ئاژانسی ڕۆیتەرز، نرخی نەوتی خاوی برێنت گەیشتە بەرزترین ئاستی لەدوای 31ی تەمموزەوە، هاوکات نرخی نەوتی خاوی برێنت لە ڕۆژی دوشەممەی ڕابردوەوە بەرزترین ئاستی خۆی تۆمارکرد لەدوای 4ی (ئاب/8)ی 2025ەوە.
