ڕاپۆرتێكی ماڵپه‌ڕی (ئه‌كسیۆس) ئاشکرای دەکات، په‌یوه‌ندییه‌كی ته‌له‌فۆنیی توند له‌نێوان دۆناڵد تڕه‌مپ، سه‌رۆكی ئه‌مریكا و بنیامین نه‌ته‌نیاهۆ، سه‌رۆك وه‌زیرانی ئیسرائیل ئه‌نجامدراوە. به‌پێی زانیارییه‌کان، هه‌ردوولا له‌سه‌ر چۆنیه‌تیی مامه‌ڵه‌کردن له‌گه‌ڵ ئێران بۆچونی جیاوازیان هه‌بووە.
له‌م خاڵه سه‌ره‌کییانەی خوارەوەدا ناوەڕۆکی ڕاپۆرتەکە كورت كراوه‌ته‌وه:
• خاڵی ناکۆکی: نه‌ته‌نیاهۆ داوای كردووه ڕاسته‌وخۆ دوای كۆتاییهاتنی هه‌ڵبژاردنه‌كان هێرشبکرێته سه‌ر ئێران، به‌ڵام تڕه‌مپ پێی باشبووە له ئێستادا ده‌رفه‌ت به گفتوگۆی دیپلۆماسی بدرێت.
سروشتی په‌یوه‌ندییه‌كه: سه‌رچاوه‌یه‌کی ئیسرائیلی په‌یوه‌ندییه‌كه به "زۆر توند" وه‌سف ده‌كات، له كاتێکدا سه‌رچاوەیەکی ئه‌مریکی به "ڕاسته‌وخۆ و ڕوون" ناوی بردووە؛ ئه‌مه‌ش نیگه‌رانیی له ته‌لئه‌بیب دروستکردووە له‌باره‌ی ئه‌گه‌ری به‌فیڕۆچونی كات له‌لایەن تارانەوە.
ي نه‌خشه‌ڕێگای تڕه‌مپ: سه‌رۆكی ئه‌مریكا دو ڕێگه‌ی هاوته‌ریب ده‌گرێته‌بەر؛ كه بريتين له هه‌وڵدان بۆ زیندوكردنه‌وه‌ی دانوستانه‌كان و هاوکات خۆئاماده‌كردن بۆ كرده‌ی سه‌ربازیی گه‌وره ئه‌گه‌ر دیپلۆماسی سه‌رکه‌وتوو نەبێت (له‌وانەش ئامادەکردنی پلانی خێرا بۆ لێدانی دامه‌زراوه ئه‌تۆمییه‌كانی ئێران).
و هەڵوێستی فه‌رمی: تڕه‌مپ له‌باره‌ی دانوستانه‌كانه‌وە ڕایگه‌یاندووە: "گفتوگۆكان به‌باشی به‌ڕێوه‌ده‌چن و من په‌له‌م نییه، ئێرانییه‌كان ده‌یانه‌وێت بگه‌نه ڕێككه‌وتن، به‌ڵام گومانم له پابه‌ندبونیان هه‌یه."
• دۆخی ئێستا: ئه‌م گرژییانه له كاتێکدان كه هه‌وڵه دیپلۆماسییه‌کان له‌ڕێگه‌ی نێوه‌ندگیره قه‌ته‌رییه‌كانه‌وە بۆ نزیككردنه‌وه‌ی واشنتن و تاران به‌رده‌وامن، له‌گه‌ڵ نزیکبوونه‌وەی واده‌ی هه‌ڵبژاردنه‌کانی ئه‌مریكا كه بڕیاردانی سه‌ربازیی له ناوچه‌كه‌دا ئاڵۆزتر کردووە.
